राशीभविष्य : आज शुक्रवार ५ जानेवारी २०२४,प्रलोभनामुळे सरकारी कोंडी होऊ शकते,मनात नकारात्मक विचार येतील,शुभ प्रसंगामुळे मन शांत राहील,आवश्यक कामं पूर्ण कराल
मंडे टू मंडे न्यूज वृत्तसेवा। आज शुक्रवार ५ जानेवारी २०२४, ज्योतिषशास्त्रात जन्मकुंडलींद्वारे वेगवेगळ्या कालखंडांबद्दल भाकिते केली जातात. दैनंदिन राशिभविष्य रोजच्या घडामोडींचे अंदाज देते, तर साप्ताहिक, मासिक आणि वार्षिक राशिभविष्य अनुक्रमे आठवडा, महिना आणि वर्षाचा अंदाज असतो. दैनिक राशिफल हे ग्रह-नक्षत्राच्या हालचालीवर आधारित एक भविष्यवाणी आहे, ज्यामध्ये सर्व राशींचे (मेष, वृषभ, मिथुन, कर्क, सिंह, कन्या, तूळ, वृश्चिक, धनु, मकर, कुंभ आणि मीन) तपशीलवार वर्णन केले आहे. ही कुंडली काढताना ग्रह-नक्षत्रांसह पंचांगाच्या समीकरणाचे विश्लेषण केले जाते. दैनंदिन राशीभविष्य तुम्हाला नोकरी, व्यवसाय, व्यवहार, कुटुंबआणि मित्रांसोबतचे संबंध, आरोग्य आणि दिवसभरातील शुभ-अशुभ घटनांचे भाकीत देते.
मेष (Aries) :
आजचा दिवस यशदायी असेल. तुमच्या इच्छा जिद्दीनं पूर्ण कराल. यामुळे कदाचित एखाद्याचं मन अस्वस्थ होऊ शकेल. कार्यक्षेत्रात नवीन कल्पना सुचतील; पण त्या अर्ध्याच अंमलात आणल्या जातील. सहकाऱ्यांच्या कमतरतेमुळे विस्तार योजना रद्द कराव्या लागतील. घर किंवा ऑफिस सुसज्ज करण्यासाठी खर्च कराल. यासाठी सजावटीच्या नवीन कल्पना तयार कराल. नोकरदार वर्ग आज निवांतपणे कामाचा आनंद घेईल. दुपार मौजमजा आणि आनंदात जाईल. तब्येत ठीक राहील.
वृषभ (Taurus) :
आज तुम्ही आर्थिक लाभ मिळवण्याच्या इच्छेनं बहुतांश कामं कराल. नफा मिळेल; पण खर्चामुळे तो टिकणार नाही. नोकरी, व्यवसायातली तेजी आणि मंदीमुळे केलेलं नियोजन प्रलंबित राहतील. असमर्थ असूनही इतरांना मदत करण्यास तयार असाल. परंतु, कुटुंबातल्या सदस्यांप्रति तुमचं योगदान मर्यादित असेल. आवश्यक गोष्टींऐवजी निरुपयोगी गोष्टींवर पैसे खर्च होतील. इच्छा पूर्ण न झाल्याने घरातलं कोणी तरी नाराज राहील. संध्याकाळ अपेक्षेपेक्षा जास्त आनंददायी जाईल. मित्र आणि कुटुंबीयांसोबत मनोरंजनासाठी वेळ द्याल. परंतु, एकमेकांबद्दल आदर कमी असेल.
मिथुन (Gemini) :
तुम्ही तुमच्या किंवा जवळच्या व्यक्तीच्या कार्यशैलीमुळे व्यथित व्हाल. इच्छा असूनही परिस्थिती अनुकूल न झाल्याने दुःख वाटेल. दुपारनंतर, एखाद्या जुन्या मित्राला किंवा ओळखीच्या व्यक्तीला भेटाल आणि भूतकाळातल्या आठवणींमध्ये हरवून जाल. मेहनतीऐवजी कल्पनेच्या विश्वात रमाल. नोकरदार किंवा महिलांवर विनाकारण संशय घेणं महागात पडू शकतं. कामाच्या ठिकाणी आर्थिक मंदीचा सामना करावा लागेल. विक्री होईल; पण पैशाची आवक कमी असेल. दिवसभराच्या थकव्यामुळे संध्याकाळी निस्तेज वाटेल; पण तुमचा कल मनोरंजनाकडे असेल. मानसिक तणाव वगळता आरोग्य चांगलं राहील.
कर्क (Cancer) :
मानसिक गुंतागुंत दिवसभर त्रास देईल. नावडतं काम बळजबरीने करावं लागेल. सभोवतालचं वातावरण विस्कळीत राहील. स्वभावात ओलावा नसल्याने प्रियजन दूर राहतील. भूतकाळातली चूक उघड झाल्याने घरात कलहाची स्थिती राहील. ही स्थिती रात्रीपर्यंत सुधारणार नाही. कामात व्यग्र असूनही, व्यापारी वर्ग व्यावहारिकतेच्या अभावामुळे अपेक्षित नफ्यापासून वंचित राहील आणि कर्ज घेण्याकडे कल असल्याने खर्च करता येणार नाही. तब्येत बिघडेल.
सिंह (Leo) :
तुम्हाला आज मानसिक अस्थिरतेमुळे चांगल्या आणि वाईट गोष्टींबाबत संभ्रम होईल. विचार न करता बोलणं महागात पडू शकतं. ज्या गोष्टी तुमच्यासाठी फक्त मनोरंजनाकरिता असतील त्या तुमच्या कुटुंबातल्या सदस्यांना किंवा इतर जवळच्या व्यक्तींना दुःखी करतील. गरज असेल तरच बोला, नाही तर आजूबाजूचं चांगलं वातावरण बिघडेल. नोकरी आणि व्यवसायातून लाभ होईल. मेहनतही कमी करावी लागेल. नोकरी करणाऱ्या व्यक्ती रिलॅक्स मूडमध्ये असतील; पण कामाच्या ओझ्यामुळे घरची कामं करू शकणार नाहीत. कौटुंबिक सदस्यांमध्ये एखाद-दुसऱ्या विषयावर मतभेद होतील. तब्येत बिघडू शकते, काळजी घ्या.
कन्या (Virgo) :
प्रकृतीत सुधारणा झाल्याने काहीसा दिलासा मिळेल. दिनचर्या व्यग्र राहील. काम पूर्ण करण्यासाठी सहकार्य मिळणार नाही. नोकरी, व्यवसायात अपूर्ण काम पूर्ण करण्यावर भर असेल. कठोर परिश्रम करूनही पूर्ण यश मिळणार नाही. मनात नकारात्मक विचार येतील, पैशांमुळे अतिरिक्त गोंधळ होईल आणि खर्चाच्या प्रमाणात नफा कमी होईल. तब्येत बरी नसली तरी तुम्हाला दुसऱ्याची जबाबदारी घ्यावी लागेल. कौटुंबिक जीवन माफक प्रमाणात आनंददायी राहील. कुटुंबातले सदस्य तेवढ्यापुरतं सहकार्य करतील.
तूळ (Libra) :
आज तुम्हाला पारंपरिक गोष्टींतून आनंद मिळेल. मनोरंजनाची संधी असेल. दिवसाच्या सुरुवातीला आळस जाणवेल आणि रोजच्या कामांना विलंब होईल; मात्र दुपारपासून कामात गांभीर्य राहील. व्यावसायिक व्यक्ती कामाऐवजी मनोरंजनाच्या मूडमध्ये असतील; मात्र त्या दिवसाची कामं कमी वेळेत पूर्ण करू शकतील. कौटुंबिक जबाबदाऱ्या पार पाडण्यासाठी वेळ आणि पैसा खर्च होईल. घरात वडिलोपार्जित विषयांबद्दल चर्चा होईल. तुमच्या विचारांना विरोध करणारे तुमचं समर्थन करतील. संध्याकाळी मनासारखं घडेल. आरोग्य चांगलं राहील.
वृश्चिक (Scorpio) :
तुम्ही कोणतंही काम नीट विचारपूर्वक आणि सल्ला घेऊनच करा. दुर्लक्ष केल्यास महिला संतप्त होतील. तब्येत बिघडल्याने चिडचिड होईल. रागाच्या भरात निरर्थक बोलल्याने मतभेद वाढतील. कामात चढ-उतार जाणवेल. एका क्षणी फायदा होण्याची शक्यता असेल आणि दुसऱ्या क्षणी निराशा येईल. कारण नफा तोट्यात परिवर्तित होईल. पैसे मिळवण्यासाठी तुम्हाला कोणाची तरी खुशामत करावी लागेल; पण तरीही ते कमी प्रमाणात मिळतील. तुमच्या मानसिकतेवर घरातली वडिलधारी मंडळी सहानुभूती दाखवतील आणि तुम्हाला मार्गदर्शन करतील.
धनू (Sagittarius) :
तुमच्या कार्यक्षमतेनं घरात आणि बाहेर सर्वांची मनं जिंकाल. वैयक्तिक स्वार्थाची भावना कमी होईल. परोपकारासाठी वेळ आणि पैसा खर्च कराल. त्यामुळे सन्मान मिळेल. वृद्ध व्यक्तींना तुमचं वागणं नाट्यमय वाटेल आणि परस्पर समन्वयाचा अभाव जाणवेल. व्यवसायात नफ्यामुळे तुमचं काम रद्द झाल्यास निराश व्हाल. तरीही खर्च करण्याइतपत उत्पन्न मिळेल. प्रलोभनामुळे सरकारी कोंडी होऊ शकते. मित्र आणि नातेवाईकांशी जवळीक वाढेल. आरोग्य चांगलं राहील.
मकर (Capricorn) :
आजचा दिवस तुमच्यासाठी लाभदायक असेल. परंतु, अनपेक्षित खर्च अनियंत्रित राहिल्यास त्रास होईल. दिवसाच्या सुरुवातीला कुटुंबातल्या सदस्यांशी अनावश्यक गोष्टींवरून वाद होईल. त्यामुळे वातावरण अस्वस्थ असेल. नशिबानं साथ दिल्यास काम चांगलं होईल. परंतु, पैशांची लालसा कायम राहील. काम करणाऱ्या व्यक्ती निष्काळजी राहतील आणि त्यांना फटकारावं लागेल. भिन्न लिंगाच्या व्यक्तीसाठी तुम्ही मान-अपमान, विवेक विसराल. आवश्यक कामं पूर्ण कराल. उद्या तुम्हाला आजच्यासारख्या सुविधा मिळणार नाहीत.
कुंभ (Aquarius) :
आज शुभ प्रसंगामुळे मन शांत राहील. धर्मावर श्रद्धा राहील; पण एकाग्रतेच्या अभावामुळे दैनंदिन उपासना ही केवळ औपचारिकता राहील. केवळ फायदेशीर कामात रस दाखवाल. सामाजिक किंवा सेवाभावी कामं टाळाल. नोकरीच्या ठिकाणी लाभाच्या संधी कमी असतील; पण रोजच्या खर्चासाठी पैशांची आवक होईल. कुटुंबातले सदस्य तुमच्या वागण्यावर लक्ष ठेवतील. वडिलधाऱ्यांचं तुमच्याशी वागणं अनपेक्षित असेल; पण महिला आणि मुलांशी संबंध सामान्य राहतील. आरोग्याबाबत चिंतेत असाल. ताप-थंडीची समस्या असू शकेल.
मीन (Pisces) :
तुम्ही आज बेफिकिरीने वागाल. आरोग्य किंवा इतर महत्त्वाच्या कामांकडे दुर्लक्ष केल्याने नंतर पश्चाताप होईल. संयमाच्या अभावामुळे प्रतिकूल स्थिती निर्माण होऊ शकते. तुमच्या वर्तणुकीचा कुटुंबातल्या सदस्यांनाही त्रास होईल. नोकरी आणि व्यवसायात जास्त त्रास होणार नाही. नफ्या-तोट्याची चिंता राहणार नाही. अनावश्यक कामांमुळे दुपारनंतर लक्ष विचलित होईल. खर्चावर नियंत्रण ठेवण्याचे प्रयत्न अयशस्वी होतील. घरातले अपेक्षित खर्च किंवा आग्रह बजेटच्या पलीकडे जातील. संध्याकाळ मानसिक शांती देईल. तुम्ही सर्व काही विसरून स्वतःमध्ये मग्न व्हाल. हाता-पायांवर सूज येण्याची किंवा रक्तस्रावाची समस्या जाणवेल.
