मलकापुर मध्ये चोरांचा सुळसुळाट ; गजानन नगर मध्ये घर व दुकान फोडून ६५,६४४ रुपयांचा माल लंपास
मंडे टू मंडे वृत्तसंकलन।
मलकापुर,मंडे टू मंडे वृत्तसेवा। मलकापुर शहरामधील बन्सीलाल नगर रोड वर असलेल्या गजानन नगर मधील सतिश वरखेडे हे आपल्या परिवारा सह दुसऱ्या माळ्यावर झोपलेले असतांना चोरांनी घरातील मागचा दरवाजा तोडून घरात प्रवेश केला आणि घरातील सामान अस्तव्यसत करून कपाटातील सोन्याची गहुपोत त्यांची अंदाजे किंमत ४४,००० रूपये आणि कानामधले रिंग त्यांची किंमत ९ ४७०रूपये व चांदीची मुर्ती गायमाताची भरीव २१७४ रूपये आणि रोखरक्कम१० हजार असा अंदाजे एकूण ६५६४४ रूपयाचे मुद्देमाल चोरीस गेला तसेच वरखेडे यांच्या बाजुमधील रहिवासी संतोष खिरोडकर प्रा.कुलकर्णी यांंच्या घरी पण चोरांनी चोरीचा असाच प्रयत्न केला.
बन्सीलाल नगर रोडवरील किराणा दुकानचे शटर वाळवून किराणा दुकाना मधील असलेली चिल्लर चोरांनी लंपास केल्याची घटना ही काल रात्री घडली आणि सकाळी ही घटना उघडकीस आली वरखेडे यांनी मलकापुर शहर पोलीस स्टोशनला तक्रार दिली असून पुढील तपासासाठी पोलिसांनी ठसे तज्ञ व श्वान पथकाला पाचरण करून पुढील तपास मलकापुर शहर पोलीस स्टेशनचे पोलीस निरीक्षक प्रल्हाद काटकर यांच्या मार्गदर्शनाखाली डी.बी पथकाचे ए.पी.आय. सुखदेव भोरकडे करीत आहे
