भुसावळात श्रीराम पाटलांच्या रॅलीत परिवर्तनाचा नारा : माजी आ. संतोष चौधरी
भुसावळ, मंडे टु मंडे न्युज नेटवर्क l रावेर लोकसभा मतदार संघातील महाविकास आघाडीच्या राष्ट्रवादी काँग्रेस शरद पवार गटाचे उमेदवार श्रीराम पाटील यांच्या प्रचारार्थ भुसावळ मध्ये काढण्यात आलेल्या भव्य रॅलीला शहरातील तसेच तालुक्यातील मतदारांनी उपस्थिती लावत परिवर्तनाचा नारा दिला आहे. भुसावळचे माजी आमदार संतोष चौधरी यांच्या नेतृत्वाखाली या परॅलीचे आयोजन करण्यात आले होते. श्रीराम पाटील यांना भुसावळ तालुक्यातून मताधिक्याने विजयी करण्याचे आश्वासन यावेळी संतोष चौधरी यांनी दिले.
शेतकरी व सर्वसामान्य जनतेला वेठीस धरणाऱ्या भाजप सरकारला उलथवून टाकण्यासाठी माजी आमदार संतोष चौधरी यांनी सुरवाती पासूनच परिवर्तनाचा नारा दिला आहे. भुसावळ येथील अष्टभुजा देवीचे दर्शन घेत मंदिरापासून रॅलीला सुरुवात होऊन शहरातील प्रमुख मार्गावरून रॅली काढण्यात आली. यावेळी रावेरचे आमदार शिरीष चौधरी, भुसावळचे माजी आमदार नीलकंठ फालक, दलित नेते जगन सोनवणे, हाजी सलीम साहेब, मुनवर खान, प्रा उत्तम सुरवाडे, सचिन चौधरी यांच्यासह महाविकास आघाडीतील काँग्रेस, राष्ट्रवादी काँग्रेस (शरद पवार गट), शिवसेना (उबाठा) गट तसेच मित्र पक्षाचे पदाधिकारी, कार्यकार्ये व मतदार मोठ्या संख्येने उपस्थित होते.
