गांजा तस्करांना अटक, साडेचार किलो गांजा जप्त
जळगाव, मंडे टु मंडे न्युज | जळगावला गांजा विक्रीसाठी येणाऱ्या अमळनेर तालुक्यातील कामतवाडी येथून धरणगाव तालुक्यातील दोघांना पोलिसांनी अटक करून त्यांच्या जवळील ९० हजार २४६ रुपये किमतीचा ४ किलो ५४६ ग्रॅम गांजा आणि ४५ हजार रुपये किमतीची दुचाकी असा एकूण १ लाख ३५ हजार २४६ रुपयांचा मुद्देमाल जप्त करण्यात आला आहे.
याबाबत मिळालेली अधिक माहिती अशी की, पोलिस निरीक्षक दत्तात्रय निकम याना २८ एप्रिल रोजी माहिती मिळाली होती की, गांजा विक्री साठी दोन जण जळगाव येथे जाणार आहेत. त्यानुसार, कामतवाडी येथे तोरणामाता मंदिराजवळ सापळा रचला. मोटरसायकल एमएच१९/डीआर९७९१ वर दोन इसम आले असता पोलिसांनी त्यांना अडवून त्यांची विचारपूस केली असता त्यांच्याजवळ गोणीत ४ किलो ५४६ ग्रॅम गांजा आढळून आला. पोलिसांनी त्यांची नावे विचारली असता राकेश गुलाब पाटील (२७) व मागे बसलेला करण गजानन भिल (२१, वागळुद, ता. धरणगाव) असे नाव सांगितले. पोलिसांनी गांजा व दुचाकी जप्त करून दोघांविरुद्ध गुन्हा दाखल करून अटक केली आहे.सदरची कारवाई डीवायएसपी विनायक कोते यांच्या मार्गदर्शना खाली पोनि दत्तात्रय निकम हेकॉ सुनील जाधव, राहुल पाटील, जितेंद्र निकुंभे, अमोल पाटील, उदय बोरसे, समाधान सोनवणे, सुनील पाटील यांनी केली .यांना
