अंगावर फांदी पडून सावदा येथील मेस मालक यांचे निधन
मंडे टू मंडे वृत्तसंकलन।
सावदा ता. रावेर प्रतिनिधी। शनिवारी काल सायंकाळी ७ वाजेच्या सुमारास जोरदार वादळी वारा सुटल्याने अंगावर झाडाची फांदी पडल्याने सावदा येथील मेस चालकाचा उपचारादरम्यान मृत्यू झाला आहे.
शनिवारी काल सायंकाळी ७ वाजेच्या सुमारास जोरदार वादळ वारा सुटला या तुफान वाऱ्यासह पावसाने हजेरी लावली यादरम्यान वारा जोरदार असल्याने बऱ्याच ठिकाणी झाडे कोसळली तर काही ठिकाणी गुरांची टपरे उडाली तेव्हाच शहरातील पाटीलपुरा, क्रांती चौक परिसरातील अन्नपूर्णा मेसचे मालक चेतन सुभाष पाटील यांच्या अंगावर झाडाची फांदी पडल्याने ते गंभीर जखमी झाले त्यांच्या पायाला जबर दुखापत झाल्याने तातडीने उपचारासाठी भुसावळ येथील खाजगी रुग्णालयात दाखल करण्यात आले असता पहाटे २:३० च्या सुमारास उपचारादरम्यान त्यांचा मृत्यू झाला.
सुभाष पाटील यांचे चेतन पाटील हे पुत्र असून त्यांच्या पश्चात आई-वडील, पत्नी आणि एक चिमुकली कन्या असा परिवार आहे. त्यांच्या मृत्यूमुळे परिसरात हळहळ व्यक्त होत आहे.
