अल्पवयीन मुलाला तलवार सह अटक, यावल तालुक्यातील घटना
यावल, मंडे टु मंडे न्युज नेटवर्क l एका १७ वर्षीय अल्पवयीन मुलाला रविवारी रात्री यावल येथील फैजपूर रोड रस्त्यावरील पेट्रोल पंपा जवळ तलवार बाळगल्या प्रकरणी अटक करण्यात आली असून त्याच्या कडून तलवार जप्त करण्यात आली आहे.हा तरुण यावल तालुक्यातील चुंचाळे येथील रहिवाशी आहे.
यावल तालुक्यातील चुंचाळे येथील १७ वर्षीय तरुण यावल येथील फैजपूर रोडवर असलेल्या पेट्रोल पांपा जवळ तालावर घेऊन फिरत असल्याची माहिती यावल पोलिस स्टेशनला मिळाली. यावल पोलिसांचे पथक लागलीच मिळालेल्या घटनास्थळी पोहोचून तलवार सह त्या तरुणाला अटक केली.
सदरची कारवाई पोलिस उपनिरीक्षक सोपान गोरे, हवालदार मुस्तफा तडवी, वसीम तडवी यांनी केली. ही घटना रविवारी रात्री घडली. या बाबत यावल पोलिस स्टेशनला गुन्हा दाखल करण्यात आला असून पुढील तपास पोलीस करीत आहेत.
