जलतरण तलावात तोल गेल्याने पाण्यात बुडून अल्पवयीन मुलांचा मृत्यू
जामनेर, मंडे टु मंडे न्युज नेटवर्क l शिकण्यासाठी मामाकडे आलेल्या १५ वर्षीय मुलाचा जामनेर मधील सोनबर्डी येथील नगरपरिषदेच्या जलतरण तलावाजवळ फिरण्यासाठी त मित्रांसोबत आलेल्या संकेत निवृत्ती पाटील (वय १५ वर्ष रा. घोसाळा ता. सोयगाव जि. छत्रपती संभाजीनगर, ह. मु. हिवरखेडा रोड, जामनेर) या तरुणाचा तोल जाऊन तलावाच्या पाण्यात पडून बुडून दुर्दैवी मृत्यू झाल्याची धक्कादायक घटना आज मंगळवारी दि. २८ जानेवारी रोजी दुपारी ४ ते ५ वाजेच्या दरम्यान घडली. त
संकेत निवृत्ती पाटील (वय १५ वर्ष रा. घोसाळा ता. सोयगाव जि. छत्रपती संभाजीनगर, ह. मु. हिवरखेडा रोड, जामनेर. हा मुलगा जामनेर शहरात मामाकडे शिकण्यासाठी आलेला होता. संकेत हा ८ वी चा विद्यार्थी आहे.
दरम्यान, जामनेर येथे सोनबर्डीच्या पायथ्याशी असलेल्या नगरपालिकेचा जलतरण तलाव बघण्यासाठी संकेत हा त्याच्या मित्रासोबत गेला होता. तलावा काठी उभा असताना अचानक त्याचा तोल गेला आणि तो पाण्यात बुडायला लागला. तो दिसेनासा झाल्यामुळे नागरिकांनी तत्काळ जामनेर पोलिसांशी संपर्क साधून माहिती दिली. पोलिस घटनास्थळी दाखल होत रुग्णवाहिकेच्या मदतीने मृतदेह जामनेर उपजिल्हा रुग्णालयात दाखल केला. जामनेर पोलिस स्टेशनला या संदर्भात अकस्मात मृत्यूची नोंद करण्यात आली आहे.
