मुक्ताईनगरात भरवस्तीत होमगार्डच्या घरात मोबाईल चोरी; चोरीच्या गुन्हामध्ये वाढ, पोलिसांनाच आव्हान ?
मुक्ताईनगर प्रतिनिधी, अक्षय काठोके |मुक्ताईनगर शहरांतील भरवस्तीतीत असलेल्या संताजी नगर येथे राहत असलेल्या महिला होमगार्ड यांच्या घरातून दिवसाढवळ्या २० हजार रुपयांच्या मोबाईलची चोरी करून चोरटा पसार झाल्याची घटना उघडकीस आली असून चोरटा सीसीटीव्ही कॅमेऱ्यात कैद झाला असून मुक्ताईनगर पोलीस ठाण्याच्या हद्दीतील गेल्या १५ दिवसांत विविध चोरीचे ३ ते ४ गुन्हे दाखल झाले आहे. चोरट्यांनी थेट पोलिसांना आव्हान दिल्याचे पहायला मिळत आहे.
मुक्ताईनगर पोलीस ठाण्याच्या हद्दीत चोरीच्या गुन्ह्यांमधे वाढ होत असून १ एप्रिल वार शनिवार रोजी एका व्यक्ती संशयितरित्या संताजी नगर येथे राहणाऱ्या विनोद जैन (टेलर) व महिला होमगार्ड रेखा विनोद जैन यांच्या घरामधून घरात कोणी नसल्याची संधी साधून अंदाजे १५ ते २० हजार रुपये किमतीचा रेडमी कंपनीचा मोबाईल लांबवीला असून चोरट्याने पोलिसांना एक प्रकारे खुले आव्हान दिले आहे.
होमगार्ड म्हणून कार्यरत असलेल्या रेखा विनोद जैन यांच्या फिरादीवरून मुक्ताईनगर पोलिसात चोरीचा गुन्हा दाखल करण्यात आला आहे. भरवस्तीत सकाळी दिवसा चोरी झाल्यामुळे परिसरातील नागरिकात भीतीचे वातावरण पसरले असून चोरट्याचा बंदोबस्त करण्याची मागणी जोर धरत आहे.
सदरील चोरटा हा परिसरात असलेल्या सीसीटीव्ही कॅमेरा मध्ये कैद झाला असून सीसीटीव्ही फुटेजच्या आधारे पोलिसांनी चोरट्यावर कारवाई करण्याची अपेक्षा व्यक्त होत आहे. मुक्ताईनगर पोलीस ठाण्याच्या हद्दीतील गेल्या १५ दिवसांत मोबाईल, मोटार सायकल, गुरे चोरी अश्या विविध चोरीचे ३ ते ४ गुन्हे दाखल झाले आहे. या चोरीच्या गुन्ह्यांबंत अधिक माहिती देण्यास पोलीस प्रशासनाकडून टाळाटाळ करण्यात आली. तालुक्यातील चोरीचे सत्र पाहता चोरीचे सत्र थोपवण्याचे आव्हानं पोलीस प्रशासनापुढे आहे.
