ब्रेकिंग : सावदा भाजप नगराध्यक्षासह नगरसेवकांची आगामी वाटचाल राष्ट्रवादीच्या माध्यमातून स्पष्ट : मंडे टू मंडे चे भाकीत खरे ठरले !
मंडे टू मंडे वृत्तसंकलन।
सावदा, ता. रावेर : मंडे टू मंडे वृत्तसेवा | सावदा राष्ट्रवादी कॉंग्रेस पक्षाच्या वतीने आज आढावा बैठक आयोजित करण्यात आली होती यात खडसे समर्थक असलेले मात्र, सद्या भाजपच्या तिकिटावर निवडून आलेले नगराध्यक्षासह नगरसेवक व नगरसेविकांचे आप्त यांनी भाजपाला फारकत देत राष्ट्रवादीचे घड्याळ हातांवर बांधल्याचे जवळजवळ स्पष्ट झाले असून ‘मंडे टू मंडे’ ने याबाबत सकाळी “सावदा राष्ट्रवादीच्या बैठकीत सभागृहात आमने-सामने थाटणारे दोन गट एकत्र येणार…?” हे भाकीत वर्तवले होते ते खरे ठरले असून पालिका निवडुणुकीच्या तोंडावर शहराच्या राजकारणात मोठी घडामोड मानली जात आहे.
नाथाभाऊंच्या कट्टर समर्थक मानल्या जाणारे व आजवर पत्ते खुले न करणार्‍या नगराध्यक्षा व नगरसेवकांनी आपली भूमिका जाहीर केली असून भाजपच्या नगराध्यक्षा अनिता येवले यांच्यासह उप नगराध्यक्ष विश्वास चौधरी, गटनेते अजय भारंबे, लीना चौधरी, नंदाबाई लोखंडे जयश्री नेहेते, शबाना तडवी, सागिरा बी सैय्यद तूकडू, सतिश बेंडाळे नगरसेवकांनी राष्ट्रवादी च्या आढावा बैठकीस हजेरी लावल्याने येथे भाजपचे कमळ सोडत हातावर घड्याळ बांधल्याचे स्पष्ट झाले आहे. आज त्यांनी थेट राष्ट्रवादीच्या व्यासपीठावर हजेरी लावल्याने आता त्यांची आगामी वाटचाल ही राष्ट्रवादीच्याच माध्यमातून होणार असल्याचे स्पष्ट झाले आहे. याचा आगामी नगरपालिका निवडणुकीवर परिणाम होणार असल्याचे मानले जात आहे.
राष्ट्रवादी कॉंग्रेस पक्षाच्या पदाधिकारी व कार्यकर्ते यांची आज जेहरा मॅरेज हॉल येथे आयोजीत करण्यात आली आहे. या बैठकीत ना.अजितदादा पवार यांच्या आगामी संपर्क दौर्‍याबाबात विचार विनिमय करणे. शहरातील विविध पदाधिकारी व कार्यकर्तेचा पक्ष प्रवेश व सत्कार.पक्ष कार्यकारणीचा आढावा आणि शहरात शाखा उदघाटन बाबतचे कार्यक्रम ठरविणे यावर चर्चा करण्यात आली. या कार्यक्रमाला राष्ट्रवादीचे जिल्हाध्यक्ष रवींद्रभैय्या पाटील आणि जिल्हा बँकेच्या अध्यक्षा रोहिणीताई खडसे हे या आढावा बैठकीला संबोधित केले. तर प्रमुख पाहुणे म्हणून माजी आमदार अरूण पाटील, राष्ट्रवादी युवकचे जिल्हाध्यक्ष रवींद्र नाना पाटील, माजी नगराध्यक्ष राजेश वानखेडे, गटनेते फिरोजखान पठाण, भुसावळचे नगरसेवक प्रा. सुनील नेवे, किसान सेलचे सोपान पाटील, माजी जी.प, सदस्य रमेश नागराज पाटील, प,स,सदस्य दिपक पाटील, राष्ट्रवादी सावदा शहराध्यक्ष कुशल जावळे, सावदा नगरसेविका मीनाक्षी कोल्हे, नगरसेविका विजया जावळे, कुर्बान शेख, अरविंद मानकरी जिल्हा अध्यक्ष सामाजिक न्याय विभाग, तालुका अध्यक्ष नीलकंठ चौधरी, प्रकाश पाटील सेवा दल राज्य सदस्य, सुनील कोंडे ओ.बी.सी.सेल तालुका अध्यक्ष, माजी प,स,सदस्य प्रमोद रझोतकर, रावेर शहराध्यक्ष प्रणीत महाजन , कार्याध्यक्ष रावेर शहर मयूर पाटिल, पंकज येवले, जगदीश बढे,रेखा वानखेड़े, कल्पना ठोसरे महिला शहराध्यक्षा, सिद्धार्थ बड़गे, सै अजगर, माजी उपनगराध्यक्ष सय्यद अनीस, सिद्धार्थ बड़गे, तालुका सरचिटनीस वाय, डी, पाटील, शेख हारून आदी मान्यवर उपस्थित आहेत.
