Breaking| रक्षा खडसे केंद्रिय मंत्री पदी विराजमान होणार, मोदी मंत्रिमंडळात वर्णी
Modi 3.0 Cabinet : रक्षा खडसे यांची मोदींच्या मंत्रिमंडळात वर्णी, PMO कार्यालयातून आला फोन
मुक्ताईनगर, मंडे टू मंडे न्युजप्रतिनिधि |नरेंद्र मोदी यांचा सलग तिसऱ्यांदा शपथविधी होत असून मोदींसोबत आज मंत्रिपदी रावेरच्या नवनिर्वाचीत खासदार रक्षा खडसे यांना केंद्रीय मंत्रीमंडळात स्थान मिळणार असल्याची माहिती सूत्रांनी मिळत असून त्या सायंकाळी मत्रिपदाची शपथ घेणार असल्याने या माध्यमातून प्रदीर्घ काळानंतर जळगाव जिल्ह्यास मंत्रीपदाची संधी मिळणार आहे.
नरेंद्र मोदी यांचा सलग तिसऱ्यांदा शपथविधी होत असून मोदींसोबत आज मंत्रिपदाची शपथ काही खासदारांना दिली जाणार आहे. आज शपथ घेणाऱ्या खासदारांना पंतप्रधान कार्यालयातून यासाठी फोनही आले आहेत. रक्षा खडसे यांनाही पंतप्रधान कार्यालयातून फोन आला असून त्यासुद्धा आज मंत्रिपदाची शपथ घेणार असल्याची माहिती समजते.
राज्यातील एकमेव महिला नेत्या म्हणुन विजयाची हॅटट्रीक करत रावेर लोकसभा मतदारसंघातून भारतीय जनता पक्षाचे उमेदवार रक्षा खडसे यांनी महाविकास आघाडीचे उमेदवार श्रीराम पाटील धोबपछाड देत विजयी झाल्या लागोपाठ तिसर्‍यांना लोकसभा निवडणुकीत विजय मिळाल्याने रक्षा खडसे यांना केंद्रीय मंत्रीपदाची संधी मिळेल अशी चर्चा राजकीय वर्तुळात सुरू होती. ओबीसी वर्गातून असल्याने त्यांच्या नावाला पसंती दिली जाण्याची शक्यता होती. त्यानुसार आज खडसे शपथ घेणार असल्याचे माहिती मिळत आहे.
