श्री.आ. गं.हायस्कूल.सावदा. येथे इको क्लबची स्थापना व शैक्षणिक सप्ताहात वृक्षारोपण समारंभ साजरा
सावदा, ता. रावेर. मंडे टू मंडे न्युज नेटवर्क l श्री. आ.गं. हायस्कूल, सावदा या ठिकाणी शैक्षणिक सप्ताह दिनांक २२ जुलैपासून सुरू आहे. या सप्ताहामध्ये विविध उपक्रम राबविले जात आहे. याच दरम्यान श्री आ.गं. हायस्कूल सावदा येथे इको क्लब ची स्थापना शासनाने दिलेल्या निर्देशानुसार करण्यात आली. या इको क्लबच्या अध्यक्षपदी विद्यार्थ्यांमधुन मनीष श्रीकांत वाणी या बारावी शास्त्र शाखेच्या विद्यार्थ्यांची निवड करण्यात आली.
या प्रसंगी विद्यार्थी व त्यांचे पालक मोठ्या संख्येने उपस्थित होते. या वेळेला सतीश घनश्याम बेंडाळे माजी नगरसेवक हे सुद्धा उपस्थित होते. सतीश बेंडाळे यांनी त्यांच्या मुलीच्या लग्न पित्यर्थ मनामध्ये वृक्षारोपण व संवर्धन संकल्प घेतला होता. मुलीच्या कन्यादानाप्रित्यर्थ १० वृक्षांची लागवड करून त्याचे संवर्धन करील या त्यांच्या इच्छेस श्री आ.गं.हायस्कूल सावदा या ठिकाणी मूर्त स्वरूप प्राप्त झाले . विद्यालयाचे प्राचार्य श्री.पी.जी. भालेराव सर यांनी या इको क्लबच्या वृक्षारोपण समारंभामध्ये श्री सतीश बेंडाळे यांना पाचारण करून त्यांच्याकडून रोपे व पिंजरे शाळेला उपलब्ध झाली.
वृक्ष देऊनच या माता पालकांचे सभेमध्ये स्वागत करण्यात आले .उपस्थित सर्व माता-पालक व विद्यार्थी यांनी हे वृक्षारोपण अतिशय उत्साहात संपन्न केले. याप्रसंगी शाळेचे प्राचार्य पी.जी.भालेराव पर्यवेक्षक श्री जे.व्ही. तायडे.सर्व व शिक्षक व शिक्षकेतर कर्मचारी वृंद व सर्व विद्यार्थी व इको क्लबचे सदस्य उपस्थित होते.
