Accident : कर्की फाट्याजवळ मध्यप्रदेशातील बस उलटली, एक ठार, १५ जण जखमी !
मुक्ताईनगर, मंडे टू मंडे न्यूज प्रतिनिधी : तालुक्यातील कर्की फाट्याजवळ उज्जैनकडून शेगावकडे जाणारी बस आज सांयकाळी उलटल्याने चालक जागीच ठार झाला असून १५ जण जखमी झाल्याची दुर्दैवी घटना घडली असून जखमीतील दोन जणांची प्रकृती चिंताजनक आहे.
मुक्ताईनगर तालुक्यातील कर्की फाट्याजवळून मध्यप्रदेशातील उज्जैन येथुन शेगावला जाणारी मध्यप्रदेश परिवहन मंडळाची बस क्रमांक (एमपी १३ पी १३४३) ही आज सांयकाळी ६.३० वाजेच्या सुमारास जात असतांना चालकाचा बसवरील ताबा सुटल्याने बस उलट्या दिशेने मागे जात थेट शेतात जावून उलटली. यात अपघातात एक जण जागीच ठार झाला आहे.
दरम्यान मयत आणि जखमींचे नावे अद्याप माहिती मिळालेली नाही. तर १५ प्रवाशी जखमी झाल्याचे वृत्त असून यातील दोन जणांची प्रकृती चिंताजनक आहे. सदरील घटनास्थळी शिवसेनेचे पदाधिकाऱ्यांचे धाव घेत जखमींना रुग्णालयात उपचारासाठी दाखल करण्यात प्रयन्त केले. दरम्यान या अपघाताची माहिती मिळाल्यानंतर पोलीस पथक घटनास्थळी दाखल झाले असून अधिक माहिती घेत आहेत.
