शेतातील साहित्य चोरताना चोरट्यांना शेतकऱ्यांनी पकडले रंगेहात !
मुक्ताईनगर, मंडे टू मंडे न्युज प्रतिनिधी : येथील शेती शिवारात शेतातील साहित्य चोरताना शेतकऱ्यांनी चोरट्यांना रंगेहात पकडत पोलिसांच्या ताब्यात दिले आहे. याप्रकरणी मुक्ताईनगर (muktainagar) पोलिसात गुन्हा नोंद करण्यात आला आहे.
मुक्ताईनगर शिवारातील स्मशान भूमी गट नंबर 659 मधील शेत शिवारात सुनील मधुकर बराटे राहणार सालबर्डी यांचे चार एकर शेत असून आज मध्यरात्री चार वाजेच्या सुमारास शेताजवळ कोणीतरी अनोळखी ईसम उभे असून चोरी करत असल्याचा त्यांना फोन आला असता त्यांनी शेतात जाऊन शहानिशा केली असता त्यांच्या शेतातील जैन हिरा कंपनीचे अडीच इंची पीव्हीसी पाईप 77 नग त्यांची एकूण किंमत 38500, तसेच सुप्रीम कंपनीचे दोन इंची पीव्हीसी एकूण 103 त्याची 30900 असे पाईपाचे तुकडे करून एक गाडी भरून घेऊन गेल्याने निदर्शनास आले.
तसेच दोन चोरटे जागेवर असताना शेतकऱ्यांनी त्यांना पकडुन पोलिसांच्या स्वाधिन केले गणेश ज्ञानदेव नेहते रा. सुप्रीम कॉलनी जळगाव, अभय मिलिंद इंगळे रा. जळगाव, व चेतन तायडे हा युवक पळून गेला का पोलिसांनी त्यांच्या ताब्यातील दोन मोटरसायकली पोलीस स्टेशनला जमा केल्या आहेत सुनील मधुकर बऱ्हाटे या शेतकऱ्यांच्या तक्रारीवरून मुक्ताईनगर पोलिसात भारतीय दंड संहिता 1860 कलम 379 प्रमाणे गुन्हा दाखल करण्यात आला असून पोलीस पुढील तपास करीत आहे.
