Breaking : भरदाव डंपरची बसला जोरदार धडक; चालकासह प्रवासी जखमी
मुक्ताईनगर, मंडे टू मंडे न्यूज प्रतिनिधी | मुक्ताईनगर-कुऱ्हा रोड वरती चिंचखेडा बुद्रुक गावाच्या जवळ भरधाव डंपरने बसला धडक दिल्याने झालेल्या अपघातात १० प्रवासी जखमी झाले आहेत.
आज सकाळी नऊ वाजेच्या सुमारास तालुक्यातील चिंचखेडा बुद्रुक गावाच्या जवळ एमएच१९ सीवाय ५२७२ क्रमांकाच्या भरधाव डंपरने एमएच १३ सीयू ६९३१ क्रमांकाच्या बसला जोरदार धडक दिली. या अपघातामध्ये १० जण जखमी झाले आहेत. जखमींमध्ये बसचे चालक नरेंद्र जगन्नाथ देशमुख (रा. वरणगाव) तसेच वाहक (कंडक्टर) प्रितीमा शांताराम अहिरे (रा. भुसावळ) यांच्यासह सुनील बाबूराव काजनेकर ( उमापूर); बाबूराव दामोदर ठोसर व यमुनाबाई बाबूराव ठोसर ( रा. चिंचखेडा बुद्रुक ); गणेश रामकृष्ण कोळी (रा. पारंबी): इस्माईल खॉ इम्रान खॉ; सुधाकर नारायण अहुळकार ( रा. पारंबी ); निवृत्ती सापुर्डा ढोण; व शुभांगी तुषार अहुळकार हे अपघातात जखमी झाले आहेत.
ग्रामस्थांनी अपघाताची माहिती मिळताच परिसरातून घटनास्थळी धाव घेत जखमींना जखमींना रूग्णालयात दाखल करण्यात मदत केली. यावेळी शिवसेना उप-तालुका प्रमुख नवनीत पाटील, कुर्हा शहर प्रमुख पंकज पांडव; युवासेना उपजिल्हा प्रमुख सतीश नागरे, दिलीप भोलाणकर, अविनाश वाढे, ज्ञानेश्वर तायडे, शेख अकबर, विष्णू तायडे यांनी जखमीला मदत केली.
