किरकोळ वाद विकोपाला : टोळक्याने केलेल्या हल्ल्यात तरुणांचा खून !
मंडे टू मंडे वृत्तसंकलन।
मुक्ताईनगर, प्रतिनिधी : तालुक्यातील निमखेडी येथील तरूणाचा क्षुल्लक वाद विकोपाला गेल्याने एका टोळक्याने केलेल्या हल्ल्यात निमखेडी येथील तरुणाचा मृत्यू झाल्याची घटना आज सायंकाळी घडली आहे. मुक्ताईनगर पोलिसात गुन्हा नोंद करण्याचे काम सुरू आहे.
याबाबत मिळालेली प्राथमिक माहिती अशी की, आज सायंकाळी तालुक्यातील सारोळा येथील काही जणांचा विजय दिनकर डहाके (वय ४०, रा. निमखेडी) नामक तरुणांशी किरकोळ वाद झाला मात्र, वाद विकोपाला गेल्यामुळे सहा-सात जणांच्या टोळक्याने त्याच्यावर हल्ला केला यात त्याचा मृत्यू झाला. मयत विजय डहाके यांचे पार्थिव हे शवविच्छेदनासाठी जळगाव येथे पाठविण्यात आले असून मुक्ताईनगर पोलीस स्थानकात गुन्हा नोंदविण्याचे काम सुरू आहे.
