शिरसाळा मारुतीचे दर्शन घेऊन येणाऱ्या दोघ भक्तांचा माळेगाव फाट्याजवळ अपघात,पाय तुटून एक गंभीर जखमी
मुंजलवाडी,ता.रावेर/ मुक्ताईनगर, मंडे टू मंडे न्युज प्रतिनिधी। शनिवार दि.२१ जानेवारी २०२३ रोजी पहाटे ४ वाजता शिरसाळा ता. बोदवड येथून जागृत बजरंग बलीचे दर्शन घेवून बऱ्हाणपूर कडे परत येत असताना सारोळा – माळेगाव दरम्यान वळण रस्त्यावर एका अज्ञात बोलेरो चारचाकी वाहनाने कट मारल्याने झालेल्या अपघातात मनोज प्रमोद ठाकुर (वय -२०) ,मोहित गणेश महाजन (वय-१९) दोघे रा. रास्तीपुरा, बुऱ्हाणपूर जखमी झालेले असून मनोज ठाकुर यांचा पाय तुटून तो गंभीर जखमी झालेला आहे.
याप्रकरणी पोलिसांच्या मिळालेल्या माहितीनुसार मुक्ताईनगर पोलिस स्टेशन पो.कॉ.गणेश मनुरे, पो.कॉ.धर्मेंद्र ठाकूर यांनी तसेच मुक्ताईनगर उपजिल्हा रुग्णालयाची रुग्णवाहिका घेवून आरोग्य सेवक प्रदीप काळे ,चालक रवी जंगले यांनी लागलीच घटनास्थळी धाव घेतली .जखमींना उपजिल्हा रुग्णालयात उपचारासाठी आणण्यात आले तर मनोज ठाकूर यांचा तुटलेला पाय हा तुटून बाजुला पडलेल्या अवस्थेत होता अशी माहिती प्रदीप काळे यांनी दिली. जखमींवर उपजिल्हा रुग्णालयात डॉ शोएब खान, डॉ प्रशांत रामवंशी, आरोग्य सेवक प्रदीप काळे, परिसेविका कल्पना नगरे, सुनीता कसबे आदींनी उपचार केले. तसेच जखमींना पुढील उपचारार्थ जखमींच्या नातेवाईकांच्या सहमतीने बुऱ्हाणपूर येथे हलविण्यात आले.
