मुक्ताईनगरात सायकलस्वार शाळकरी विद्यार्थीनीला बसने उडविले !
मुक्ताईनगर, मंडे टू मंडे न्यूज प्रतिनिधी : शहरात स्टेट बँकेजवळ सायकलने जात असलेल्या १२ वर्षाच्या एका विद्यार्थीनीला बसने उडविल्याने ती जखमी झाली असून रुग्णालयात उपचारार्थ दाखल करण्यात आले आहे.
याबाबत सविस्तर असे, एमएच १४ बीटी ०४१० या क्रमांकाची नवापूर डेपोची बस शेगाव ते नवापूर बस ही वेगात असतांना आज सकाळी शहरातील स्टेट बँकेजवळ सायकल असलेल्या १२ वर्षाच्या ऋतुजा राजेंद्र कोल्हे या विद्यार्थीनीला बसने धडक दिली. दिलेल्या धडकेत विद्यार्थीनी जखमी झाली तिच्या वर गोरे हॉस्पिटल येथे उपचार सुरू आहेत तर सायकलचा पूर्णपणे चक्काचूर झाला आहे.
घटनास्थळी परिवहन विभागाचे अधिकारी, पोलीस कर्मचारी दाखल झाले असून अद्याप पोलिसात कुठली गुन्ह्याची नोंद नाही. जीवन मेश्राम असे या ड्रायव्हरचे नाव असून तो स्वतःहून पोलीस स्टेशन येथे दाखल झालेला आहे नगरपंचायतीच्या भोंगळ कारभारामुळे घटना घडल्याचा नागरिकांचा आरोप असून मुक्ताईनगरच्या हायवे चौफुलि पासून ते प्रवर्तन चौकापर्यंत बेशिस्त वाहतुकीने अक्षरशः कळस मांडला असून नागरिक आपले चार चाकी, मोटरसायकल रस्त्यावर पार्क करत असल्यामुळे सायकलस्वार व मोटरसायकल स्वारांना बस व मोठी गाडी आल्यास् जीव मुठीत घेऊन आपले वाहन चालवावे लागते नगरपंचायतच्या कर्मचाऱ्यांनी या बेसिस्त वाहतुकीला शिस्त लावण्याची गरज आहे.
