कुऱ्हा येथे बनावट दारूचा कारखाना उध्वस्त ; तरूणाला अटक
मुक्ताईनगर प्रतिनिधी : तालुक्यातील कुर्‍हा येथे स्थानिक गुन्हे शाखेच्या पथकाने गच्चीवर विनापरवाना बनावट दारू तयार करणाऱ्याच्या कारखाना चालवणाऱ्या तरूणाला अटक केली असून मुक्ताईनगर पोलीस स्थानकात याप्रकरणी गुन्हा नोंद करण्यात आला आहे.
याबाबत पोलिसांकडून मिळालेली माहिती अशी, मुक्ताईनगर तालुक्यातील कुऱ्हा येथील एक तरूण आपल्या घराच्या गच्चीवरती विनापरवाना बनावट दारू तयार करून विक्री करत असल्याची गोपनिय माहिती जिल्हा पोलीस अधीक्षक डॉ. प्रवीण मुंडे, अप्पर पोलीस अधिक्षक चंद्रकांत गवळी आणि स्थानिक गुन्हे शाखेचे पोलिस निरीक्षक किरणकुमार बकाले यांना मिळाली होती. त्यानुसार आज बुधवार १२ जानेवारी रोजी स्थानिक गुन्हे शाखेचे पथकाने धडक कारवाई करत संशयित आरोपी अमोल एकनाथ वानखेडे रा. कुऱ्हा ता. मुक्ताईनगर यांच्या घरी छापा टाकला. घराची झडती घेतली असता घराच्या गच्चीवर बनावट दारूचा साठा असल्याचे निष्पन झाल्याने पोलिसांनी ३६ हजार ७०० रुपये किमतीचा बनावट दारूचा मद्यसाठा जप्त करण्यात आला आहे. या प्रकरणी मुक्ताईनगर पोलिस ठाण्यात संशयित आरोपी अमोल वानखेडे यांच्यावर गुन्हा दाखल करण्यात आला आहे. सदरील कारवाई– सहाय्यक फौजदार अशोक महाजन, सुनील दामोदर, दीपक पाटील, प्रमोद लाडवंजारी, किरण धनगर, नंदलाल पाटील, रवींद्र पाटील, सचिन महाजन, अशोक पाटील व पथकाने केली.
