अखेर मुक्ताईनगर वासियांची प्रतिक्षा संपली; पोलीस निरीक्षक पदी नागेश मोहिते यांची नियुक्ती
मुक्ताईनगर मंडे टू मंडे न्युज, अक्षय काठोके | मुक्ताईनगर तत्कालीन पोलीस निरीक्षक muktainagar police inspector यांची बदली झाल्यानंतर कितेक महिन्यापासून रिक्त असलेल्या पदावर नागपुर येथिल पोलिस निरीक्षक नागेश मोहिते यांची मुक्ताईनगर पोलिस निरीक्षक पदी नियुक्ती करण्यात आली आहे.
राज्याच्या राजकारणात नेहमी चर्चेत असलेल्या मुक्ताईनगरात गेल्या काही महिन्यांपासून पोलिस निरीक्षक हे महत्त्वाचे पद रिक्त होते. दोन आमदार व एक खासदार शहराला लाभले असताना प्रशासनाकडून मुक्ताईनगर येथे पूर्ण वेळ आधिकारी दिला जात नसल्याने आश्‍चर्य व्यक्त होत होते.
बहुप्रतीक्षेनंतर अखेर मुक्ताईनगरला कायमस्वरूपी पोलीस निरीक्षक म्हणून नागेश मोहिते लाभले असून त्यांनी आपल्या पदाचा कार्यभार स्वीकारलेला आहे नागेश मोहिते यांनी याआधी गडचिरोली, नाशिक, नागपूर येथे सेवा बजावली आहे. मुक्ताईनगर शहरात विभागात नूतन पोलीस निरीक्षक यांच्यापुढे आता गुन्हेगारी व अवैध धंद्यावर नियंत्रण आणण्याचे आव्हान असणार आहे.
