लग्नाचा तगादा लावत असल्याचे महिलेचा खून : विहिरीत आढळलेला मृतदेहाचा उलगडा !
मुक्ताईनगर, मंडे टू मंडे न्यूज प्रतिनिधी : तालुक्यातील नायगाव येथिल विहिरीत आढळलेला महिलेचा मृतदेहहा प्रेम संबंधातून झालेला खून असल्याचे पोलीस तपासात उघड झाले असून आरोपीस अटक करण्याचे काम सुरू आहे.
पोलिसांकडून मिळालेली माहिती अशी की, काल रात्री नायगाव शिवारात विहिरीत एका महिलेचा मृतदेह आढळून आला होता यामुळे परिसरात खळबळ उडाली होती याप्रकरणी तपासाची चक्रे फिरवत अवघ्या बारा तासात मुक्ताईनगर पोलिसांनी आरोपीस अटक केली असून महिला लग्नाचा तगादा लावत असल्याने विहिरीत ढकलून देत हत्या केल्याची बाब उघडकीस आली असून प्रेम संबंधातून हा खून झाल्याची माहिती मिळत आहे. मुक्ताईनगर पोलिसात फिर्यादी शेख फरीद शेख मुसा यांच्या फिर्यादीवरून आरोपी शेख गुलाम इद्रीस गुलाम राहणार हरिपुरा बऱ्हाणपूर मध्यप्रदेश या आरोपीस मुक्ताईनगर पोलिसांनी ताब्यात घेतले असून अटकेची कारवाई सुरू आहे
सदरील कारवाई मुक्ताईनगर प्रभारी पोलिस निरीक्षक राजेंद्र गुंजाळ यांच्या मार्गदर्शनाखाली पोलिस उपनिरीक्षक प्रदीप शेवाळे, राहुल बोरकर पोलीस हेडकॉन्स्टेबल गणेश मनुरे,पो ना संतोष नागरे, मोतीलाल बोरसे, सुरेश पाटील अशांनी आरोपीस बऱ्हाणपूर येथून ताब्यात घेतले आहे
