मुक्ताईनगर च्या वायला फाटा ते डोलारखेडा दरम्यान रस्ता लुटीचा प्रयत्न फसला,नकली बंदुकी सह सहा आरोपी अटकेत
मुक्ताईनगर,मंडे टू मंडे न्युज – अक्षय काठोके। मुक्ताईनगर तालुक्यातील वायला फाटा ते डोलारखेड्या दरम्यान रस्ता लुट करणाऱ्या सहा आरोपींना नकली बंदुकी सह मुक्ताईनगर पोलिसांनी अटक केली असून त्याच्या जवळील स्विफ्ट डिझायर गाडी सुद्धा जप्त केली आहे.
मिळालेली अधिक माहिती अशी की, आज संध्याकाळी मुक्ताईनगर तालुक्यातील वायला फाटा ते डोलारखेड्या दरम्यान एका पांढऱ्या रंगाच्या स्विफ्ट डिझायर क्रमांक MH02BZ7938 मधून आलेल्या सहा आरोपींनी एका रिक्षा चालकाला पकडून त्याच्या खिशातून मोबाईल मोबाईल व काही रोख पैसे हिसकावून घेत त्याला मारहाण करून पळून गेले परंतु परिसरातील नागरिकांनी आजूबाजूला फोन लावून घटनेची माहिती दिली असता पुरनाड फाट्यावर असलेल्या वाहतूक पोलिसांनी दोन ट्रक आडवे लावून आरोपींना पकडले व त्यांना पोलीस स्टेशनला आणले सध्या आरोपी अटकेत असून गुन्हा दाखल करण्याचे काम सुरू असून आरोपीकडून एक नकली बंदूक सुद्धा हस्तगत करण्यात आली आहे
