मुक्ताईनगर जवळ महामार्गावर सोडियम क्लोराईडने भरलेला ट्रक उलटला, दोघांची प्रकृती चिंताजनक
मुक्ताईनगर, मंडे टु मंडे न्युज प्रतिनिधी l मुक्ताईनगर जवळ राष्ट्रीय महामार्गावर हॉटेल तिरंगा जवळ सोडियम क्लोराईडने भरलेला ट्रक उलटून ट्रक चालक व क्लीनर दोघे गंभीर जखमी असून दोघांची प्रकृती चिंताजनक असल्याची घटना रात्री घडली.
या बाबत मिळालेली माहिती अशी की, मुक्ताईनगर जवळ राष्ट्रीय महामार्गावरील मुक्ताईनगर – मलकापूर दरम्यान असलेल्या हॉटेल तिरंगाच्या जवळ रात्री अकरा ते साडे अकरा वजेच्या दरम्यान सोडियम क्लोराईडने भरलेला ट्रक अचानक उलटून या अपघातात ट्रकचा चालक व क्लीनर हे दोन्ही ट्रकच्या खाली दाबले गेले, लागलीच परिसरातील नागरिकांनी अपघातस्थळी धाव घेत ट्रक खाली दबलेल्या ट्रक चालक व क्लिनर या दोघांना ट्रकखालून काढून रूग्णालयात दाखल केले, यात दोन्ही जण गंभीर जखमी झाले असून या दोन्ही जणांची प्रकृती चिंताजनक असल्याची माहिती मिळत आहे.
