मुक्ताईनगरात वाढदिवसानिमित्त काठोके परिवाराकडून ज्ञानेश्वरी पारायण सप्ताहाचे आयोजन
मुक्ताईनगर, प्रतिनिधी : मुक्ताईनगर येथे संताजी नगरात काठोके परिवाराकडून मुलाच्या वाढदिवसानिमित्त ७ दिवसांचे ज्ञानेश्वरी पारायण सोहळ्याचे आयोजन व कीर्तनाचे आयोजन करण्यात आले आहे.
मुक्ताईनगर येथे श्री तुळशीराम सिताराम काठोके यांचे नातू चिरंजीव श्रेयस अक्षय काठोके याच्या चौथ्या वाढदिवसानिमित्त त्यांचे राहते घर संताजी नगर ,तहसील रोड मुक्ताईनगर येथे 9 नोव्हेंबर ते 15 नोव्हेंबर पर्यंत ज्ञानेश्वरी पारायनाचे आयोजन केलेले आहे. तसेच 15 नोव्हेंबर रोजी एकादशीनिमित्त रात्री आठ वाजता भजनाचे आयोजन केलेले आहे व 16 नोव्हेंबर रोजी वाढदिवसा निमित्त सकाळी 8 ते 10 हरिभक्त पारायण रविंद्र महाराज हरणे यांच्या कीर्तनाचे आयोजन केलेले आहे दुपारी 12 ते 4 भोजनाचा कार्यक्रम आयोजित केलेला आहे. कार्यक्रमाचा लाभ घेण्याचे आवाहन आयोजका मार्फत करण्यात येत आहे पारायण सोहळा यशस्वीतेसाठी ह.भ.प. रविंद्र महाराज हरणे, ह.भ.प उद्धव महाराज जुनारे, ह.भ.प कृष्णा महाराज तळणीकर, ह.भ.प लखन महाराज, ह.भ.प पंकज महाराज पाटील, तसेच मुक्ताई फडावरील वारकरी, कीर्तनकार महाराज, टाळकरी यांचे सहकार्य लाभत आहे.
