मुक्ताईनगर पंचायत समितीचे आरक्षण जाहीर, जाणून घ्या सविस्तर
मुक्ताईनगर, मंडे टू मंडे न्यूज प्रतिनिधी : जिल्ह्यातील आगामी पंचायत समित्यांच्या निवडणुकीसाठी आज आरक्षण सोडत जाहीर करण्यात येत असून मुक्ताईनगर पंचायत समितीची आरक्षण जाहीर करण्यात आले आहे. मुक्ताईनगर तहसील कार्यालयात जिल्हा पुरवठा अधिकारी सुनील सूर्यवंशी ,तहसीलदार श्वेता संचेती यांच्या अध्यक्षतेखाली काढण्यात आले. जाणून घेऊ कुठल्या गणांसाठी कसे आरक्षण आहे.
सुप्रीम कोर्टाच्या ओबीसी आरक्षण लागू करण्याचे निर्देश दिल्यानंतर पंचायत समितीसाठी देखील आरक्षण लागू करण्यात आले असून याच्याच आधारे आज आरक्षण सोडत काढण्यात आली. तालुक्यात आठ गण आहेत. यात हरताळे- एस.टी. सर्वसाधारण; उचंदे- एस.टी. महिला; रूईखेडा- एस. सी. महिला; निमखेडी- नागरिकांचा मागास प्रवर्ग सर्वसाधारण; अंतुर्ली- सर्वसाधारण महिला; कर्की- सर्वसाधारण महिला; कुर्‍हा- सर्वसाधारण आणि वढोदा- सर्वसाधारण असे आरक्षण जाहीर झाले आहे.
