मुक्ताईनगर पोलिस निरीक्षक राहुल खताळ यांची नियंत्रण कक्षात बदली
मुक्ताईनगर, मंडे टूमंडे न्युज, अक्षय काठोके : मुक्ताईनगर पोलिस ठाण्याचे पोलीस निरीक्षक राहुल खताळ यांची सोमवारी सायंकाळी तडकाफडकी नियंत्रण कक्षात बदली करण्यात आल्याने आता मुक्ताईनगर पोलीस ठाण्यात नवीन कोणत्या अधिकाऱ्याकडे पदभार दिला जातो याकडे लक्ष लागले आहे.
मुक्ताईनगर पोलीस स्थानकाचे निरिक्षक राहूल खताळ यांची आज जळगाव येथील पोलीस नियंत्रण कक्षात बदली करण्यात आली आहे. बदलीच्या वृत्ताला ‘मंडे टू मंडे न्युज’शी बोलताना पोलिस निरीक्षक राहुल खताळ यांनी दुजोरा दिला आहे. आपण उद्या सकाळी नियंत्रण कक्षात रूजू होणार असल्याची माहिती त्यांनी दिली. तर ही बदली प्रशासकीय कारणांवरून झाली असल्याचे ते म्हणाले. विधानसभेत मुक्ताईनगरचे आमदार चंद्रकांत पाटील यांनी अवैध धंद्यांबाबत प्रश्न मांडत लक्षवेधी मांडून सभागृहाचे नुकतेच लक्ष वेधले होते.
बोदवड निरीक्षकांकडे पदभार
मुक्ताईनगर पोलिस निरीक्षकांची सोमवारी तडकाफडकी नियंत्रण कक्षात बदली करण्यात आल्यानंतर त्यांच्या जागी अद्याप कुणाचीही नियुक्ती करण्यात आलेली नाही मात्र बोदवड पोलिस निरीक्षकांकडे पदभार सोपवण्यात आला आहे.
