संत मुक्ताईनां श्रीक्षेत्र चांगदेव येथील संत निवृत्तीनाथ दादांची भाऊबीज भेट
मुक्ताईनगर, मंडे टू मंडे न्युज प्रतिनिधि : बहीण भावाच्या नात्याचा पवित्र सण म्हणजेच भाऊबीज हा कार्तिक द्वितिया (यमद्वितीया) हा दिवाळीतला चौथा दिवस हिंदूधर्मीय साजरा करीत असलेला एक महत्वपुर्ण सण आहे. हिंदीत याला भाईदुज म्हणतात.
या पवित्र सणाने बहीण भावाचे नाते जपत श्री क्षेत्र चांगदेव येथे विश्वगुरू संत निवृत्तीनाथ महाराजांचे मंदिर निर्माण झालेले असून या मंदिर देवसंस्थान कडुन म्हणजेच संत निवृत्ती दादांकडून बहीणीस म्हणजेच संत मुक्ताबाई ला दिवाळी व भाऊबीजेची भेट म्हणून साडी, चोळी आली होती. ही साडी चोळी गुरूवारी दि.१६ नोव्हेंबर रोजी विधिवत पुजा करुन जूनी कोथळी समाधी स्थळ मंदिरात आदीशक्ती मुक्ताबाईस नेसविण्यात आली.
यावेळी श्री विश्वगुरू निवृत्ती नाथ महाराज देवस्थान अध्यक्ष ह. भ. प. विष्णू महाराज गुरव पुजारी, संत मुक्ताई पालखी सोहळा प्रमुख ह. भ. प. रविंद्र हरणे महाराज , ह. भ. प. उध्दव जुणारे महाराज, ह. भ. प. रतीराम महाराज, ह. भ. प. दुर्गा संतोष मराठे महाराज, ह. भ. प. रामेश्वर महाराज तिजारे, ह भ प आकाश महाराज पुजारी ह भ प ऋषिकेश महाराज पुजारी यांचेसह समस्त चांगदेव भजनी मंडळ तसेच मुक्ताईनगर येथील भाविक मंडळी मोठ्या संख्येने उपस्थित होते.
