मुक्ताईनगर येथील जैन मंदिर चोरट्यांनी फोडले : रोकडसह सोने चोरीला !
मुक्ताईनगर, अक्षय काठोके : येथील संताजी नगर येथील गजबजलेल्या भागातील जैन मंदिरामध्ये आज मध्यरात्री चोरीची घटना उघडकीस आली चोरट्यांनी मंदिराच्या मुख्य दरवाजाचा कडीकोयंडा तोडून दानपेटी फोडून रक्कमसह देवीच्या मूर्तीवरील सोन्याचे मंगळसूत्र लंपास केल्याची धक्कादायक घटना उघडकीस आली आहे.
याबाबत अधिक माहिती अशी, मुक्ताईनगर येथील संताजी नगर येथील गजबजलेल्या भागातील जैन मंदिरामध्ये आज मध्यरात्री चोरीची घटना उघडकीस आली चोरट्यांनी मंदिराच्या मुख्य दरवाजाचा कडीकोयंडा शिताफीने तोडून आत मध्ये प्रवेश केला व दानपेटी फोडून रक्कम लंपास केली तसेच देवीच्या मूर्तीवरील सोन्याचे मंगळसूत्र चोरून नेले. हा सर्व प्रकार आज सकाळी भाविक दर्शनासाठी मंदिरात आले असता त्यांच्या लक्षात ही घटना आली तेव्हा त्यांनी विनोद जैन व विपुल जैन यांना सदर घटना सांगितली तसेच पोलिसांनी घटनास्थळी भेट देऊन पाहणी केली या चोरीत किती किंमतीच्या मुद्देमालाची चोरी झाली यांची सविस्तर माहिती पोलिसांकडून कळू शकलेली नाही. शेवचे वृत्त हाती आले तोवर याप्रकरणी पोलिसात गुन्हा नोंद करण्याचे काम सुरू होते मुक्ताईनगर शहरात वारंवार चोरीच्या घटना घडत असून यावर पोलीस प्रशासनाने अंकुश लावण्याची गरज नागरिकांमधून व्यक्त होत आहे.
