खा. रक्षा खडसे च्या उपस्थितीत स्व.मा.पंतप्रधान अटलबिहारी वाजपेयी याची जयंती साजरी
मंडे टू मंडे वृत्तसंकलन।
मुक्ताईनगर (प्रतिनिधी)। भारतीय जनता पार्टीचे जेष्ठ नेते व माजी पंतप्रधान व भारतरत्न स्व. अटल बिहारी वाजपेयीजी यांच्या जयंतीनिमित्त खासदार कार्यालय मुक्ताईनगर येथे अभिवादन करण्यात आले.
भारतीय जनता पार्टीच्या प्रत्येक कार्यकर्त्यांचे पथप्रदर्शक आणि प्रेरणास्रोत माजी पंतप्रधान व भारतरत्न स्व. अटल बिहारी वाजपेयीजी यांच्या जयंतीनिमित्त अभिवादन करताना खासदार रक्षाताई खडसे, पंस सभापती प्रल्हादभाऊ जंगले, तालुका सरचिटणीस चंद्रकांत भोलाणे, तालुका युवा मोर्चा अध्यक्ष अंकुश चौधरी, प्रशांत महाजन, असगर खान सब्दार खान, अक्षय चौधरी, नारायण चौधरी, रुपेश पाटील, मोहन महाजन, बसारत खान पदाधिकारी व कार्यकर्ते तसेच या दिवसाचे औचित्य साधून पंतप्रधान श्री नरेंद्र मोदीजी यांच्या द्वारे पीएम-किसान निधी अंतर्गत 9 कोटी शेतकरी कुटुंबाना त्यांच्या बँकेत 18000 कोटी रुपयांचे सरळ हस्तांतरण कार्यक्रमाचे व्हिडिओ कॉन्फरन्सद्वारे भारताचे लोकप्रिय पंतप्रधान मा. श्री. नरेंद्रजी मोदी यांनी भारतातील शेतकऱ्यांशी संवाद साधला व पंतप्रधान किसान सन्मान योजनेचा पुढील हप्ता वितरित केला. सदरील लाइव्ह कार्यक्रमाचे प्रक्षेपण खासदार कार्यालय मुक्ताईनगर येथे करण्यात आले होते.
