भाजपचा मोठा नेता उद्या करणार उद्धव ठाकरे यांच्या शिवसेनेत प्रवेश
मुंबई,मंडे टू मंडे न्युज वृत्तसेवा। राज्यातील मविआ सरकार पडल्याने राज्यात सत्ताबदल झाली त्या नंतर उद्धव ठाकरे गटातील अनेक नेते आणि पदाधिकारी मुख्यमंत्री एकनाथ शिंदे आणि भाजपमध्ये प्रवेश करत आहेत. मात्र अशातच आता उद्धव ठाकरे यांच्यासाठी एक मोठी दिलासा दायक बातमी समोर येत आहे.
नाशिक आणि मालेगाव येथील भाजप युवा मोर्चाचे नेते डॉ. अद्वय हिरे हे उद्या शिवसेना भवन येथे उद्धव ठाकरे यांच्या उपस्थितीत शिवसेनेत पक्षप्रवेश करणार आहेत. डॉ.अद्वय हिरे हे माजी मंत्री प्रशांतदादा हिरे यांचे पुत्र आहेत. डॉ.अद्वय हिरे यांनी कार्यकर्त्यांची बैठक घेऊन त्यांची भूमिका जाणून घेतली. उपस्थित कार्यकर्त्यांनीही उद्धव बाळासाहेब ठाकरे गटात प्रवेश करण्यासंदर्भात सकारात्मक प्रतिसाद दिला असून उद्या डॉ.अद्वय हिरे यांच्यासोबत नाशिक, मालेगाव येथील समर्थकही पक्षप्रवेश करणार आहेत.
