दसऱ्याच्या मुहूर्तावर सोन्याची मोठी उसळी! चांदीनेही भाव खाल्ला
मुंबई, मंडे टू मंडे न्युज वृत्तसेवा। दसऱ्याच्या दिवशी देशभरात सोन्याच्या दरात वाढ झाली आहे. दिवाळीपर्यंत या दरांमध्ये आणखी वाढ होऊ शकते अशी शक्यता वर्तवली जातेय.
दिल्लीच्या दागिन्यांच्या बाजारात 24 कॅरेट सोन्याचा 10 ग्रॅमचा दर 61,800 रुपयांच्या वर आहे. दिल्ली एनसीआरमध्ये सोन्याचा दर 61,840 रुपये आणि मुंबईमध्ये सोन्याचा दर 61,690 रुपये एवढा आहे.
देशातील जास्तीत जास्त शहरांमध्ये सोनं 61,700 च्या आसपास व्यवहार करत आहे. तर 22 कॅरेट गोल्डचा रेट 56,700 रुपयांच्या वर सुरु आहे.
जास्तीत जास्त गोल्ड ज्वेलरी ही 22 कॅरेट सोन्यात तयार केली जाते. फेस्टिव्ह सीझन सुरु झाल्याने सोन्याच्या भावात तेजी आली आहे.तर सोन्यासोबत चांदीचे दरही वाढले आहेत. आज चांदीचा भाव 74,600 रुपये प्रति किलो सुरु आहे.
