एकनाथ खडसेंच्या भाजप प्रवेशानंतर त्यांना ” हे ” पद दिलं जाणार? प्रवेशाची वेळही ठरली?
मुंबई, मंडे टु मंडे न्युज नेटवर्क l राजकारणात केव्हा काय घडेल हे सांगता येत नाही, आणि याच पार्श्वभूमीवर महाराष्ट्राच्या राजकारणाने आणखी एक मोठं धक्कादायक वळण घेतलं आहे
राज्यातील दिग्गज नेते माजी मंत्री एकनाथ खडसे हे शरद पवार गटाला रामराम करत पुन्हा भाजपमध्ये प्रवेश करणार आहेत. लवकरच खडसेंच्या पक्ष प्रवेशाचा मुहूर्त ठरणार आहे. सूत्रांकडून मिळालेल्या माहिती नुसार चंद्रपूर मध्ये पंतप्रधान नरेंद्र मोदींची सभा होणार असून त्या निमित्त मोदी महाराष्ट्रात येणार असून तेथेच एकनाथ खडसेंचा नरेंद्र मोदींच्या उपस्थितीत भाजपा मध्ये प्रवेश होणार असल्याचे खात्रीलायक वृत्त आहे.
एकनाथ खडसे यांचं भाजपात पुनर्वसन होणार असून प्रवेशा नंतर त्यांच्यावर मोठी जबाबदारी दिली जाणार असून एकनाथ खडसेंना राज्यसभेवर किंव्हा राज्यपालपद दिलं जाणार असल्याची माहिती विश्वसनीय सूत्रांनी दिली आहे. खडसेंच्या भाजप प्रवेशाचा मुहूर्त निश्चित होणार असल्याचही सांगण्यात आलं. तसेच भाजपमधील वरिष्ठ नेत्यांच्या उपस्थितीत पक्ष प्रवेश होऊ शकतो.
