.. आणखी एक क्रूर हत्याकांड, मुलीची हत्या करून मृतदेह लपवला फ्रिजमध्ये
मुंबई,मंडे टू मंडे न्युज वृत्तसेवा। श्रद्धा हत्याकांडातून राजधानी दिल्ली सावरत असतांना आणखी एका क्रूर हत्याकांडाचा उलगडा झाला आहे. तब्बल ६ महिन्यांनंतर हे खून प्रकरण उघडकीस आले आहे. दिल्लीतील नजफगढ भागात एका मुलीची हत्या केल्यानंतर तिचा मृतदेह ढाब्याच्या रेफ्रिजरेटरमध्ये लपवून ठेवण्यात आला होता.
घटनेची माहिती मिळताच पोलिसांनी घटनास्थळ गाठून ढाब्यातून मृतदेह बाहेर काढला. पोलिसांनी दिलेल्या माहितीनुसार, हत्येतील आरोपीचे नाव साहिल गेहलोत असून त्याचा शोध सुरू आहे. ही घटना नजफगडमधील मित्राव गावात घडली आहे. मिळालेल्या माहितीनुसार, तरूणी ही आरोपीची मैत्रीण होती. काही दिवसांपूर्वी आरोपी गेहलोतचे दुसऱ्या मुलीसोबत लग्न ठरले होते. त्यामुळे आरोपीने तरुणीची हत्या केल्याची माहिती समोर आली आहे.
श्रद्धा हत्याकांडातील आरोपी आफताब यानेही श्रद्धाचा मृतदेह फ्रीजमध्येच लपवून ठेवला होता. श्रद्धा खून प्रकरणाच्या तपासादरम्यान पोलिसांना समजले की, श्रद्धाची हत्या केल्यानंतर आफताबने मृतदेह लपवण्यासाठी मृतदेहाचे अनेक तुकडे केले होते. श्रद्धाचा मृतदेह कापण्यापूर्वी आफताबने नवीन फ्रीज विकत घेतला होता.
