आता तरी समज आली पाहिजे, पक्षाची काय अवस्था करून टाकलीय; संजय राऊतांना फडणवीसांचा टोला
मुंबई,मंडे टू मंडे न्युज वृत्तसेवा।। संजय राऊतांना आता तरी समज आली पाहिजे. त्यांनी पक्षाची काय अवस्था करून टाकलीय,असा उपमुख्यमंत्री देवेंद्र फडवणवीस यांनीही संजय राऊतांना टोला लगावला आहे. शिवसेनेचे खासदार संजय राऊत यांच्यामुळेच शिवसेना फुटली असा आरोप सर्वत्र केला जातोय. आज ते दिल्लीला आले असता यावेळी त्यांनी माध्यमांशी संवाद साधला.
गेल्या पंधरा दिवसात देवेंद्र फडणीवसांनी तीन वेळा दिल्ली दौरा केला आहे. या दौऱ्यात मंत्रिमंडळ विस्ताराबाबत चर्चा होण्याची शक्यता आहे. तसेच, आज रात्री मुख्यमंत्री एकनाथ शिंदे दिल्ली दौऱ्यावर जाणार असल्याचं म्हटलं जातंय. यावरून देवेंद्र फडणवीसांना विचारले असता, विरोधकांचं कामच असतं टीका करण्याचं. त्यांच्या असंवेदनशीलतेमुळेच ही परिस्थिती आली आहे. मंत्रिमंडळ विस्ताराबाबत लवकरच निर्णय होईल, काळजी करू नका, असंही ते म्हणाले.
दरम्यान, गेल्या १५ दिवसांमध्ये देवेंद्र फडणवीस तीनवेळा दिल्लीला गेला. दोन्हीवेळेला एकनाथ शिंदे यांच्यासोबत गेले होते. आज एकटेच गेले आहेत. तसेच, आज रात्री एकनाथ शिंदेही दिल्लीत दाखल होतील असं म्हटलं जातंय.
