Big Breaking ; मंत्रिमंडळ विस्तार ५ ऑगस्टला, वाचा संभाव्य मंत्र्यांची यादी
मुंबई,मंडे टू मंडे न्युज वृत्तसेवा।। राज्यात एकनाथ शिंदे सरकार येऊन महिना लोटला. मात्र अद्यापही मंत्रिमंडळ विस्तार होऊ शकला नाही. त्यावरून शिंदे-फडणवीस सरकारवर विरोधकांकडून जोरदार टीका केली जातेय. अशावेळी मंत्रिमंडळ विस्ताराबाबत एक महत्वाची बातमी सूत्रांनी दिलीय.
राज्य मंत्रिमंडळाचा विस्तार ५ ऑगस्टला होणार असल्याची माहिती सूत्रांनी दिली आहे. तर १२ संभाव्य मंत्र्यांची यादीही समोर आलीय. त्यात भाजपकडून ७ आणि शिंदे गटातील ५ नावांचा समावेश आहे. त्यात भाजप प्रदेशाध्यक्ष चंद्रकांत पाटील, सुधीर मुनगंटीवार, गिरीश महाजन,चंद्रशेखर बावनकुळे, राधाकृष्ण विखे पाटील, आशीष शेलार आणि प्रवीण दरेकर तर शिंदे गटाकडून गुलाबराव पाटील, उदय सामंत, दादा भुसे, अब्दुल सत्तार आणि शंभुराज देसाई हे शपथ घेण्याची शक्यता आहे.
