पुढच्या आठ दिवसात राज्यात पुन्हा राजकीय स्फोट होणार – ग्रामविकास मंत्र्यांचा दावा
मुंबई,मंडे टु मंडे न्युज नेटवर्क/ राज्याचे ग्रामविकास मंत्री व भाजप नेते गिरीश महाजन यांनी महाराष्ट्राच्या राजकारणा बाबत पुन्हा मोठं भाकीत वर्तवलं आहे. विशेष म्हणजे त्यांनी याबअगोदर देखील असं भाकीत वर्तवलं आहे. त्यांनी गेल्यावेळी असं भाकीत वर्तवल्यानंतर काँग्रेसचे बडे नेते अशोक चव्हाण यांनी भाजपात प्रवेश केला. तसेच काँग्रेस नेते मिलिंद देवरा यांनी मुख्यमंत्री एकनाथ शिंदे यांच्या शिवसेनेत प्रवेश केला. तर काँग्रेसचे ज्येष्ठ नेते बाबा सिद्दीकी यांनी उपमुख्यमंत्री अजित पवार यांच्या गटात प्रवेश केलाय. या तीनही घटना महाराष्ट्रातील जनतेसाठी अनपेक्षित होत्या. त्यानंतर येत्या आठवड्यात पुन्हा महाराष्ट्राच्या राजकारणात मोठा स्फोट होणार, असल्याचा दावा गिरीश महाजन यांनी केलाय. त्यामुळे अनेकांच्या भुवया उंचावल्या आहेत.
“मी मागच्या वेळस सांगितले होते स्फोट होणार. त्या प्रमाणे काँग्रेसमध्ये स्फोट झाला. याबत त्यांचे कौटुंबिक संबंध आहेत. सुप्रिया सुळे आणि अजित पवार यांचे भेटी संदर्भात विचारले असता, ते दिवाळी, दसरा सणात कौटुंबिक कार्यक्रमात एकत्र येत असतात. त्यामुळे ती कौटुंबिक भेट असेल. परंतु या संदर्भात अजितदादाच सांगू शकतील. मात्र राज्यात पुन्हा आठ दिवसात स्फोट होण्याची शक्यता आहे”, असंही भाकीत गिरीश महाजन यांनी वर्तवलं.
