राशिभविष्य ; आज शुक्रवार १८ ऑगस्ट २०२३, या राशीच्या लोकांना आज नशिबाची साथ मिळेल
मंडे टू मंडे न्यूज वृत्तसेवा। आज शुक्रवार १८ ऑगस्ट २०२३, ज्योतिषशास्त्रात जन्मकुंडलींद्वारे वेगवेगळ्या कालखंडांबद्दल भाकिते केली जातात. दैनंदिन राशिभविष्य रोजच्या घडामोडींचे अंदाज देते, तर साप्ताहिक, मासिक आणि वार्षिक राशिभविष्य अनुक्रमे आठवडा, महिना आणि वर्षाचा अंदाज असतो. दैनिक राशिफल हे ग्रह-नक्षत्राच्या हालचालीवर आधारित एक भविष्यवाणी आहे, ज्यामध्ये सर्व राशींचे (मेष, वृषभ, मिथुन, कर्क, सिंह, कन्या, तूळ, वृश्चिक, धनु, मकर, कुंभ आणि मीन) तपशीलवार वर्णन केले आहे. ही कुंडली काढताना ग्रह-नक्षत्रांसह पंचांगाच्या समीकरणाचे विश्लेषण केले जाते. दैनंदिन राशीभविष्य तुम्हाला नोकरी, व्यवसाय, व्यवहार, कुटुंबआणि मित्रांसोबतचे संबंध, आरोग्य आणि दिवसभरातील शुभ-अशुभ घटनांचे भाकीत देते.
मेष : घरातील कामे होतील. नवीन ओळख होईल. कला क्षेत्रात विशेष यश मिळेल. प्रकृतीत सुधारणा होईल. नम्रता ठेवा.
वृषभ : शेजारी निष्कारण त्रस्त करण्याचा प्रयत्न करतील. धंद्यात अनाठाई खर्च होऊ शकतो. कोर्ट केसकडे लक्ष ठेवा.
मिथुन : महत्त्वाचे काम लवकर होईल असे गृहित धरू नका. प्रयत्न करा. जवळचे लोक मदत करतील. वरिष्ठ तटस्थ असतील.
कर्क : राजकीय क्षेत्रात वरिष्ठांची मर्जी राखा. जवळचे लोक कुरबुर करण्याचा प्रयत्न करतील. धंद्यात आळस करू नका.
सिंह : विचारांना योग्य दिशा मिळेल. धंद्यात वाढ होईल. रागाचा पारा वाढू देऊ नका. मोठे काम मिळवता येईल.
कन्या : धावपळ होईल. जवळच्या व्यक्तीची काळजी घ्यावी लागेल. जमिनीसंबंधी काम करण्यात अडचण येईल.
तूळ : आप्तेष्ठांची भेट होईल. उत्साह-आत्मविश्वास वाढेल. धंदा मिळेल. योग्य ठिकाणी पैसे गुंतवा. नोकरी शोधा.
वृश्चिक : तुम्ही ठरविल्याप्रमाणे काम करून घेण्यात क्षुल्लक अडचण येईल. धाडस करू नका. वाहन जपून चालवा.
धनु : कला-क्रीडा स्पर्धेत तुमचे कौतुक होईल. योग्य मार्गदर्शन मिळेल. घरातील कामे करून घेता येईल.
मकर : तुमच्या कार्याची दिशा नक्की ठरवा. वेगाने योजना पूर्ण करा. नोकरीचा प्रयत्न करा. आळस नको.
कुंभ : व्यवसायात चांगली बातमी मिळेल. अविवाहितांना योग्य स्थळे मिळतील. नोकरीत मनाप्रमाणे बदल करता येईल.
मीन : नुकसान भरून काढता येईल. घर खरेदी-विक्री करता येईल. नवीन परिचय होईल. साहित्यात चमकाल.
बातम्यांच्या अपडेट मिळवण्यासाठी आम्हाला फॉलो करा
