राशीभविष्य : आज शनिवार १६ सप्टेंबर २०२३. शत्रू पासून सावध राहा. शनिदेवाची कृपा राहील.
मंडे टू मंडे न्यूज वृत्तसेवा। आज शनिवार १६ सप्टेंबर २०२३, भाद्रपद मासारंभ. शुक्ल प्रतिपदा. चंद्र आज कन्या राशीत भ्रमण करेल. चंद्र मंगळ योग शुभ आहे. ज्योतिषशास्त्रात जन्मकुंडलींद्वारे वेगवेगळ्या कालखंडांबद्दल भाकिते केली जातात. दैनंदिन राशिभविष्य रोजच्या घडामोडींचे अंदाज देते, तर साप्ताहिक, मासिक आणि वार्षिक राशिभविष्य अनुक्रमे आठवडा, महिना आणि वर्षाचा अंदाज असतो. दैनिक राशिफल हे ग्रह-नक्षत्राच्या हालचालीवर आधारित एक भविष्यवाणी आहे, ज्यामध्ये सर्व राशींचे (मेष, वृषभ, मिथुन, कर्क, सिंह, कन्या, तूळ, वृश्चिक, धनु, मकर, कुंभ आणि मीन) तपशीलवार वर्णन केले आहे. ही कुंडली काढताना ग्रह-नक्षत्रांसह पंचांगाच्या समीकरणाचे विश्लेषण केले जाते. दैनंदिन राशीभविष्य तुम्हाला नोकरी, व्यवसाय, व्यवहार, कुटुंबआणि मित्रांसोबतचे संबंध, आरोग्य आणि दिवसभरातील शुभ-अशुभ घटनांचे भाकीत देते.
मेष
आज चंद्र भ्रमण षष्ठस्थानात होणार असून दवाखान्यात काही कारणाने जावे लागेल. घरात जास्त काम पडेल. नातेवाईक भेट होईल. राशीत असलेला गुरू साथ देईल. दिवस उत्तम आहे.
वृषभ
चंद्र भ्रमण व्यवसायात भरपूर लाभ दर्शवित आहे. शनि कर्म स्थानी आहे . नोकरीमध्ये कामात जागरूक रहा. तृतीय शुक्र कलेमध्ये रूची वाढवेल. संततीला शुभ काळ.. चांगला दिवस.
मिथुन
राशी स्वामी रवि तृतीय स्थानात असून कार्यालयीन बाबीत उत्तम संधी देईल. आरोग्य मध्यम राहील. चतुर्थ चंद्र मातृ भेट घडवेल. लाभ स्थानातील ग्रह शुभ असून संतती सुख मिळेल. दिवस चांगला..
कर्क
राशीच्या तृतीय स्थानात चंद्र महत्वाच्या बाबींना प्राधान्य द्या असे सांगत आहे. सामाजिक जीवन उत्तम राहिलं. वैवाहिक सौख्य मिळेल. नाते संबंध आणि आर्थिक बाजू उत्तम .प्रवास होईल. दिवस मध्यम.
सिंह
आज चंद्र धनस्थानात असून घर आणि व्यवसाय दोन्हीकडे लक्ष द्यावे लागेल .धर्म आणि पूजा पाठ यात आस्था वाढेल. प्रवास होतील. मंगळ आर्थिक दृष्टीने कठीण असला तरी चंद्र लाभ देईल. स्वभाव तेज होईल. मध्यम दिवस.
कन्या
दिवस उत्तम असून चंद्र जोडीदाराला वेळ द्या असे सांगत आहेत. नवीन संपर्क होईल. प्रवास होतील. आर्थिक लाभ, आणि नावलौकिक वाढेल. वैवाहिक सुख देइल..दिवस चांगला.
तुला
एक चांगला दिवस असून केलेल्या कामाचे चांगले फळ मिळेल .वरिष्ठ कामाची दाखल घेतील. सामाजिक जीवनासाठी उत्तम असून प्रवास योग येतील. कर्ज मुक्ती होईल. पैसा मिळेल. दिवस बरा .
वृश्चिक
आज लाभ स्थानातील चंद्र भ्रमण सामाजिक आणि कौटुंबिक जीवनात रंगत आणेल. व्यवसाय व आरोग्य उत्तम राहिल. मंगळ नविन संधी आणेल. एकूण सर्व बाबीत खर्च होतील. दिवस चांगला.
धनु
चंद्र दशम स्थानात असून उत्तम फळ प्रदान करीत आहे .आनंदी राहण्याचा प्रयत्न करा. वैवाहिक जीवन चांगले राहील. प्रवास होतील. आर्थिक, व्यावसायिक आणि प्रकृतीच्या बाबत चांगला दिवस.
मकर
आज भाग्यस्थानात चंद्र मंगळ भ्रमण अनेक घडामोडी करेल. प्रवास होतील. संतती खुश राहील. धार्मिक आस्था वाढीस लागेल. दुपारनंतर आर्थिक लाभ होतील. वैवाहिक जीवन सुखद राहील. दिवस चांगला.
कुंभ
जपून राहण्याचा दिवस आहे. वैवाहिक जीवन मध्यम राहील. प्रवास होतील. आर्थिक, व्यावसायिक आणि प्रकृतीच्या बाबत चांगला दिवस. अष्ट म चंद्र मंगळ प्रवास, मित्र भेट करेल. दिवस बरा .
मीन
आज दिवस प्रकृती दृष्टया त्रासदायक आहे .व्यवसाय नोकरीसाठी मध्यम. चंद्र सप्तम स्थानात असून सांसारिक कष्टाचे योग दाखवीत आहे. शत्रू पासून सावध राहा. वैवाहिक सुख मध्यम मिळेल. दिवस चांगला
शुभम भवतू!!
