नाथाभाऊंना पुन्हा घरवापसीची ऑफर ; नाथाभाऊंनी भाजप मध्ये परत आलं पाहिजे, पण…
मुंबई,मंडे टू मंडे न्युज वृत्तसेवा। नाथाभाऊंनी म्हणजेच एकनाथ खडसे यांनी परत आलं पाहिजे. पक्षात अशाप्रकारच्या लिडरशीपची गरज आहेच, अशी ऑफर भाजपचे राष्ट्रीय सरचिटणीस विनोद तावडे यांनी एका वेबसाईडला दिलेल्या मुलाखतीत त्यांनी दिली. या मुलाखतीत त्यांनी अनेक मुद्द्यांवर भाष्य केलं.
विनोद तावडे पुढे म्हणाले की, नाथाभाऊं सारख्या ज्येष्ठ लोकांनी परत यावं. पण येताना ते ज्या पद्धतीने स्पष्टपणे बोलतात ते अपेक्षित नाही. जी जी माणसं पक्षात आली पाहिजे असं आम्हाला वाटतं त्यात नाथाभाऊ आहेत. कारण त्यांना ग्रामीण महाराष्ट्राची चांगली ओळख आहे.
एकनाथराव खडसे परत येणार असतील तर फडणवीस हे प्रदेशाध्यक्ष चंद्रशेखऱ बावनकुळे आणि अन्य नेत्यांशी बोलून योग्य तो निर्णय घेतील. परत आल्यानंतर खडसे यांनी भाजपच्या शिस्तीचे पालन करायला हवे. भाजपवापसी संदर्भात माझे खडसे यांच्याशी किंवा पक्षश्रेष्ठींशी माझे बोलणे झालेले नाही, असेही विनोद तावडे यांनी स्पष्ट केले.
