रामलल्लाच्या अभिषेक सोहळ्यावर बंदी घालण्याची याचिका ; उच्च न्यायालया कडून मोठी अपडेट
मुंबई,मंडे टू मंडे न्युज वृत्तसेवा। अयोध्येतील राम मंदिरात श्री रामाचा प्राणप्रतिष्ठा सोहळा फक्त दोन दिवसांवर राहिला असताना हा सोहळा थांबवण्याची मागणी करणारी याचिका गाझियाबादच्या भोला दास यांनी अलाहाबाद उच्च न्यायालयात दाखल केली आहे, येत्या २२ तारखेला अयोध्येतील राम मंदिरात श्री रामाची प्राणप्रतिष्ठा सोहळा होणार असून या सोहळ्या साठी देशभर निमंत्रण देण्यात आलेली असताना कोर्टाने निर्णय दिला आहे.
पंतप्रधान नरेंद्र मोदी यांच्या हस्ते प्राणप्रतिष्ठा करण्यावर बंदी घालण्याची याचिका गाझियाबादच्या भोला दास यांनी
१६ जानेवारी रोजी दाखल केली होती. त्यांनी याचिकेत शंकराचार्यांच्या आक्षेपांचा दाखला देत प्राणप्रतिष्ठा सोहळा सनातन परंपरेच्या विरोधात असल्याचं म्हटलं होतं. तसेच २०२४ च्या लोकसभा निवडणुकीत फायदा मिळवण्यासाठी भाजप या कार्यक्रमाचं आयोजन करत आहे. शंकराचार्यांनाही प्राणप्रतिष्ठा कार्यक्रमावर आक्षेप असल्याचं जनहित याचिकेत म्हटलं आहे. पौष महिन्यात कोणतंही धार्मिक कार्यक्रम आयोजित केले जात नाहीत. तसेच मंदिर अद्याप अपूर्ण असल्याचंही सांगण्यात आलं. अपूर्ण मंदिरात कोणत्याही देवता किंवा देवतेला अभिषेक करता येत नाही. याशिवाय या प्राणप्रतिष्ठा कार्यक्रमात पंतप्रधान आणि मुख्यमंत्री योगी यांचा सहभाग संविधानाच्या विरोधात आहे.असंही या याचिकेत म्हटलं आहे.
याचिकाकर्ते भोला दास यांचे वकील अनिल बिंद यांनी शुक्रवारी हंगामी मुख्य न्यायाधीश मनोज कुमार गुप्ता यांच्या न्यायालयात या याचिकेवर आजच सुनावणी घेण्याची विनंती केली.
अलाहाबाद उच्च न्यायालयाने अयोध्येतील राम मंदिरात श्री रामाचा प्राणप्रतिष्ठा सोहळा कार्यक्रमावर बंदी घालण्याच्या मागणीसाठी दाखल केलेल्या जनहित याचिकेवर तातडीने सुनावणी करण्यास नकार दिला आहे. याआधी बुधवारी ही न्यायालयाने त्यांची मागणी मान्य केली नव्हती. २० आणि २१ जानेवारीला हायकोर्टात साप्ताहिक सुट्टी असेल. २२ जानेवारी रोजी न्यायालय उघडेल, परंतु त्याच दिवशी अभिषेक समारंभ आयोजित केला जातो. अशा परिस्थिती सुनावणी झाली तरी ही याचिका निरर्थक ठरेल. कोर्टाच्या या निर्णयामुळे अभिषेक सोहळ्याचा मार्ग मोकळा झाला आहे.
