SSC Exam ; ‘या’ तारखेपासून मिळणार दहावीच्या विद्यार्थ्यांना हॉलतिकीट
मुंबई,मंडे टू मंडे न्युज वृत्तसेवा। दहावीची बोर्डाची परीक्षा २ मार्च पासून सुरु होत आहे. दहावीच्या विद्यार्थ्यांसाठी एक महत्वाची बातमी असून परीक्षेचं हॉलतिकीट कधी मिळणार याची विद्यार्थ्यांना उत्सुकता होती. हॉलतिकीट कधी मिळणार याची तारीख जाहीर झाली आहे.
यंदाची दहावीची बोर्डाची परीक्षा २ मार्च ते २५ मार्च काळात पार पडणार आहे. राज्य माध्यमिक व उच्च माध्यमिक शिक्षण मंडळानं हॉलतिकीटाची तारीख जाहीर केली आहे. त्यानुसार, ६ फेब्रुवारी पासून दहावीच्या विद्यार्थ्यांना ऑनलाईन हॉलतिकीट उपलब्ध होणार आहे. मंडळाच्या अधिकृत वेबसाईटवर जाऊन विद्यार्थ्यांना ते डाऊनलोड करता येईल.
