सोन्या चांदीच्या दरात तुफान तेजी,पहा आजचा दर
मुंबई,मंडे टू मंडे न्युज वृत्तसेवा। गेल्या दीड ते दोन महिन्यात जवळपास दोन हजार रुपयांनी सोनं महाग झालं आहे. डिसेंबर अखेरपर्यंत 56 हजारकडे सोनं पोहोचतं की काय अशी एक भीती देखील मनात आहे. लग्नसराईचे दिवस आहेत, त्यामुळे सोनं खरेदीसाठी लोकांची सराफ बाजारात गर्दी पाहायला मिळत आहे.
शेअर बाजार उघडताच बुधवारी सोन्याच्या दरात सलग तिसऱ्या दिवशी तेजी पाहायला मिळाली आहे. मंगळवारच्या तुलनेत सोनं 400 रुपयांनी महाग झालं असं म्हणायला हरकत नाही. मंगळवारी 54 हजार 200 ते 300 च्या आसपास दर होते. आज सुरुवातीलाच हे दर 54,770 वर पोहोचले आहेत. सोन्या चांदीच्या दरात तुफान तेजी आल्याचं पाहायला मिळत आहे. एक किलो चांदीसाठी ग्राहकांना 68,790 रुपये मोजावे लागणार आहेत. गोल्ड रिटर्नने दिलेल्या आकडेवारीनुसार कालच्या तुलनेत आज सोन्याच्या दरात 550 रुपयांनी वाढ झाली आहे. 24 कॅरेट सोन्याचे दर 54,880 रुपये प्रति तोळा आहेत.
