शाळेची घंटा वाजणार! ” या ” तारखे पासून सुरू होणार शाळा
मुंबई,मंडे टू मंडे न्युज वृत्तसेवा। देश चौथ्या लाटेच्या उंबरठ्यावर असताना राज्यात कोरोना पुन्हा वाढू लागला असता शाळा पुन्हा सुरु होणार की नाही? असा मोठा प्रश्न निर्माण झाला होता. मात्र शालेय शिक्षणमंत्री वर्षा गायकवाड यांनी केलेल्या घोषणेनुसार राज्यातील शाळा १५ जून रोजी सुरु होणार असून १३ जूनला फक्त पहिलीच्या शाळांसाठी पहिलं पाऊल हा कार्यक्रम होणार आहे. अन्य शाळा १५ जूनला सुरू होणार असल्याचं गायकवाड यांनी संगीतल.
देशासह राज्यात कोरोनाचे निर्बंध पूर्णपणे हटवले असताना गेल्या काही दिवसांपासून कमी झालेला कोरोनाचा संसर्ग आता पुन्हा वाढण्यास सुरुवात झाली आहे. त्यामुळे शाळा पुन्हा सुरु होणार की नाहीत अशी चिंता विद्यार्थ्यांना आणि पालकांना लागून राहिली होती. मात्र शिक्षणमंत्र्यांच्या या घोषणेमुळे सर्वांना दिलासा मिळाला असून वाढत्या कोरोनाच्या पश्वभूमीवर सरकार शाळांसाठी नवीन गाईडलाईन जाहीर करणार असल्याचेही सांगितले.
