अखेर मुहूर्त ठरला,अशोक चव्हाण यांचा आज होणार भाजप प्रवेश, आणखी कोण -कोण करणार प्रवेश?
मुंबई,मंडे टू मंडे न्युज नेटवर्क। माजी मुख्यमंत्री काँग्रेसचे ज्येष्ठ नेते अशोक चव्हाण यांनी सोमवारी आधी विधानसभा अध्यक्षांची भेट घेतली व त्यानंतर त्यांनी आपल्या विधानसभा सदस्यत्वाचा राजीनामा दिला. त्यानंतर चव्हाण यांनी काँग्रेसच्या प्राथमीक सदस्यत्वाचा देखील राजीनामा दिला. हा काँग्रेससाठी मोठा धक्का मानला जात आहे. अशोक चव्हाण यांनी राजीनामा दिल्यानंतर ते भाजपमध्ये प्रवेश करणार असल्याची चर्चा सुरू झाली होती. आज अशोक चव्हाण हे भाजपमध्ये प्रवेश करणार आहेत.
काँग्रेसला धक्क्यावर धक्के बसत आहेत. काही दिवसांपूर्वी मिलिंद देवरा यांनी काँग्रेसच्या सदस्यत्वाचा राजीनामा दिला होता, त्यांनी शिवसेनेत प्रवेश केला. त्यानंतर बाबा सिद्दीकी यांनी देखील काँग्रेसमधून बाहेर पडत राष्ट्रवादीत प्रवेश केला. आता अशोक चव्हाण हे आज भाजपमध्ये प्रवेश करणार आहेत. हा काँग्रेससाठी मोठा धक्का मानला जात आहे.
माजी मुख्यमंत्री अशोक चव्हाण यांनी राजीनामा दिल्यानंतर त्यांच्यासोबत आणखी कोण-कोण भाजपमध्ये प्रवेश करणार याबाबत उत्सुकता निर्माण झाली होती. मात्र तुर्तासतरी अमरनाथ राजूरकर हे एकटेच अशोक चव्हाण यांच्यासोबत भाजपमध्ये प्रवेश करणार असल्याची माहिती समोर येत आहे. अमरनाथ राजूरकर हे काँग्रेसचे माजी विधान परिषद सदस्य आहेत. ते आज भाजपमध्ये प्रवेश करणार असल्याची माहिती समोर येत आहे.
