दारुच्या प्रत्येक बाटलीवर १० रुपये “गोमाता अधिभार” लावण्याचा “या” सरकारचा निर्णय
मुंबई, मंडे टू मंडे न्युज वृत्तसेवा। दारु विक्रीवर प्रत्येक बाटलीमागे १० रुपये गोमाता अधिभार (Cow cess) लावण्याचा निर्णय हिमाचल प्रदेश सरकारने घेतला आहे. हिमाचल प्रदेशचे मुख्यमंत्री सुखविंदर सिंह सुक्खू यांनी शुक्रवारी राज्याचा अर्थसंकल्प सादर केला. यामध्ये अनेक घोषणांचा पाऊस करण्यात आला.
यामध्ये सर्वाधिक चर्चेत राहिली ती गोमाता अधिभार ही घोषणा… राज्याचा महसूल वाढवण्यासाठी हिमाचल प्रदेश सरकारने हा निर्णय घेतला आहे. प्रति बॉटल दहा रुपये गोमाता अधिभार लावल्यामुळे राज्य सरकारला वर्षाला १०० कोटी रुपयांचा महसूल मिळण्याची शक्यता आहे. राज्य सरकारच्या या निर्णयामुळे हिमाचल प्रदेशमध्ये आता दारु महागणार आहे.
हिमाचल प्रदेशचे मुख्यमंत्री सुखविंदर सिंह सुक्खू यांनी आज आपला पहिला अर्थसंकल्प सादर केला. यामध्ये त्यांनी अनेक घोषणा केला. या अर्थसंकल्पामुळे राज्याला नवीन दिशा मिळेल, असे सुक्खू म्हणाले.
