दहावी- बारावीच्या प्रात्यक्षिक परीक्षेचे वेळापत्रक जाहिर
मंडे टू मंडे वृत्तसंकलन।
मुंबई,वृत्तसंस्था। इयत्ता दहावी आणि बारावीच्या लेखी परीक्षेचे (HSC SSC Exam) वेळापत्रक काही दिवसांपूर्वी जाहीर करण्यात आले होते. त्यात आता बोर्डाने दहावी आणि बारावीच्या प्रात्यक्षिक परीक्षेचे (Practical Exam) वेळापत्रक जारी केले आहे. इयत्ता बारावीची प्रात्यक्षिक परीक्षा येत्या 14 फेब्रुवारीपासून सुरु होणार असून ती 3 मार्च पर्यंत चालणार आहे. तर दहावीची परीक्षा ही 25 फेब्रुवारी ते 14 मार्चदरम्यान होणार आहे.
तसेच इयत्ता दहावी आणि बारावीच्या विद्यार्थ्यांच्या प्रात्यक्षिक परीक्षा 14 फेब्रुवारीपासून सुरु होणार आहेत. इयत्ता बारावीची प्रात्यक्षिक परीक्षा 14 फेब्रुवारी ते 3 मार्च या कालावधीत घेतली जाणार आहे. तर इयत्ता दहावीची प्रात्यक्षिक परीक्षा 25 फेब्रुवारी ते 14 मार्च या कालावधीत घेतली जाणार आहे. तर इयत्ता बारावीची लेखी परीक्षा ही 4 मार्च ते 30 मार्च दरम्यान होणार आहे. तसेच इयत्ता दहावीची लेखी परीक्षा 15 मार्च ते 4 एप्रिलदरम्यान होणार आहे.
दरम्यान लेखी आणि प्रात्यक्षिक परिक्षेचे वेळापत्रक जाहीर झाल्यामुळे विद्यार्थ्यांना परीक्षेच्या दृष्टीकोनातून तयारी करण्यास पुरेसा कालावधी मिळणार आहे. तसेच कोरोनाच्या तिसऱ्या लाटेत रुग्णसंख्या वाढल्यामुळे शाळा तसेच महाविद्यालये बंद करण्याचा निर्णय घेण्यात आला होता. मात्र आता येत्या 24 जानेवारीपासून राज्यातील इयत्ता पहिली ते बारावी पर्यंतच्या सर्व शाळा सुरु करण्याचा निर्णय राज्य सरकारने घेतला आहे.
