” तू डाकीण आहेस ” म्हणत महिलेला विवस्त्र करून छळ, मीडियावर व्हिडीओ व्हायरल
नंदुरबार,मंडे टू मंडे न्युज वृत्तसेवा। डाकीण असल्याच्या संशयावरुन एका महिलेला विवस्त्र करुन छळ केल्याचा प्रकार उघडकीस आला. नंदुरबारमध्ये सोशल मीडियावरून संबंधित महिलेचे व्हिडीओ व्हायलर झाले असून ही घटना कुठली आहे, हे अद्याप स्पष्ट झालेले नाही. बोली भाषेवरुन घटना सातपुडा पर्वत रांगामधील असल्याची शक्याता वर्तवल्या जात आहे. याबाबत अंनिसने जिल्हाधिकाऱ्यांना निवेदन देत घटनेची पडताळणी करण्याची मागणी केली आहे. ही घटना कुठली आणि संबंधीत पिडीत महिला कोण याबाबत पोलीस देखील तपास करत आहेत. मात्र राज्य आणि केंद्रीय महिला आयोगाकडे याबाबत तक्रार करणार सल्याचे अंनिसने स्पष्ट केले आहे. नंदुरबारमध्ये डाकीण प्रथेबाबत अनेक अंधश्रद्धा आहेत आणि त्यातुनच या महिलेसोबत हा दुर्दैवी प्रकार झाल्याची चर्चा आहे.
गेल्या आठवड्याभरापासून एका महिलेचा सोशल मीडियावरती व्हिडीओ व्हायरल होत आहे. त्या व्हिडीओला विवस्त्र करण्यात आले आहे. आसपासची लोकं तिला चटके लावण्याचा प्रयत्न करीत आहेत. तिला विचारत आहेत की, तु डाकीन आहेस आणि कोणाकोणाला खाल्लं आहेस. हा खूपचं भयानक व्हिडीओ आहे, असे आत्तापर्यंत तीन व्हिडीओ व्हायरल झाले आहेत. ज्यावेळेस आपण स्त्रीच्या स्वातंत्र्याचा आणि सन्मानाचा विचार करतो. दुसऱ्या बाजूला स्त्रियांचा इतका छळ करतो. डाळीण म्हणून जर छळ होत असेल तर ते अत्यंत निषेधार्य आहे. महाराष्ट्र अंधश्रध्दा निर्मूलन समिती याचा तीव्र निषेध करते. पोलिस प्रशासनाने याचा छडा लावला पाहिजे. काल याबाबतचं आम्ही जिल्हाधिकाऱ्यांना निवेदन दिलं आहे अशी माहिती अंधश्रध्दा निर्मुलन समितीचे सरचिटणीस विनायक साळवे यांनी दिली. हा प्रकार नेमका कुठला आहे, त्याबाबत पोलिस तपास करीत आहेत. गावातल्या खबऱ्यामार्फत आम्ही चौकशी करीत आहोत. दोषी असलेल्या आरोपींवरती कठोर कारवाई करण्यात येईल अशी माहिती नंदूरबार पोलिसांनी सांगितली आहे.
