पत्ता विचारण्याच्या बहाण्याने महिलेच्या गळ्यातील मंगळपोत नेली चोरून !
Monday To Monday NewsNetwork।
नाशिक, मंडे टू मंडे वृत्तसेवा : पत्ता विचारण्याच्या बहाण्याने मोटार-सायकलीवरून आलेल्या दोघा भामट्यांनी महिलेच्या गळ्यातील मंगळसूत्र खेचून नेल्याची घटना गंगापूर रोडवरील सिरीन मेडोज येथे घडली आहे.
अधिक माहिती अशी, की भारती संदीप पाटील (वय 41, रा. सिरीन मेडोज, गंगापूर रोड) या त्यांचा मुलगा अर्जुन याच्या डोक्याचे केस कापण्यासाठी सलूनच्या दुकानात जात असताना सिरीन मेडोज येथे मोटारसायकलीवरून आलेल्या दोघा भामट्यांपैकी एकाने सोरा हाईट्स किधर है, अशी विचारणा करून पाठीमागे बसलेल्या भामट्याने अचानक त्यांच्या गळ्यातील 70 हजार रुपये किमतीचे मंगळसूत्र, पेंडल व डिझाईन असलेली दुपदरी चेन बळजबरीने खेचून पोबारा केला. या प्रकरणी गंगापूर पोलीस ठाण्यात भा. दं. वि. कलम 392 प्रमाणे गुन्हा दाखल करण्यात आला असून, सहाय्यक पोलीस निरीक्षक पवार अधिक तपास करीत आहेत.
