ट्रक आणि कॉलेजच्या बसचा भीषण अपघात : २५ हुन अधिक विद्यार्थी गंभीर जखमी
नाशिक, मंडे टू मंडे न्यूज वृत्तसेवा : नाशिकमध्ये ट्रक आणि कॉलेजच्या बसचा अपघात झाला. या अपघातात २० ते २५ विद्यार्थी जखमी झाले असल्याची माहिती समोर येत आहे. नाशिक-औरंगाबाद रोडवर हा अपघात झाला असून यात २० ते २२ जण जखमी झाले आहेत. जखमी विद्यार्थ्यांना नजीकच्या रुग्णालयात दाखल करण्यात आले आहे.
पोलिसांनी दिलेल्या माहितीनुसार, धामणगाव येथील SMBT कॉलेजचे विद्यार्थी आणि कर्मचारी यांना घेऊन कॉलेजची बस (MH 15 EF 2526) जात होती. नाशिक औरंगाबाद रोडवर मेडिकल कॉलेजच्या स्टाफ बसचा भीषण अपघात झाला आहे. मेडिकल कॉलेजमधील शिकाऊ डॉक्टर आणि कर्मचाऱ्यांना घेऊन जाणाऱ्या बसला हा अपघात झाला आहे. बस पलटी होऊन झालेल्या या अपघातात २० ते २५ जण जखमी झाले असल्याची माहिती समोर येत आहे. जखमी विद्यार्थ्यांना नजीकच्या खासगी रुग्णालयात उपचारासाठी दाखल करण्यात आले आहे. या अपघातानंतर ट्रकचालक घटनास्थळावरून फरार झाला आहे.
या बसमधून कॉलेजचे विद्यार्थी प्रवास करत होते. सिग्नलवर भरधाव ट्रक आणि बसमध्ये समोरासमोर धडक झाली. या धडकेनंतर बस रस्त्यावरच उलटली. या अपघातात विद्यार्थ्यांना दुखापत झाली आहे. अपघातानंतर ट्रकचा चालक मात्र फरार झाला आहे, अशी माहिती काही नागरिकांनी दिली.
