डिव्हायडर तोडून कंटेनरची स्कोडाकारला जोरदार धडक : ४ तरुण ठार तर १ गंभीर जखमी
Monday To Monday NewsNetwork।
नाशिक, प्रतिनिधी: नाशिक-मुंबई रोडवर वाडीवऱ्हे जवळ दुचाकीस्वाराला वाचविण्याच्या प्रयत्नात मुंबईकडे जाणारा ट्रक डिव्हायडर तोडून नाशिककडे येणाऱ्या एका कारवर जोरदार धडकल्याने झालेल्या विचित्र अपघातात ४ नाशिकचे तरुण जागीच ठार तर एक गंभीर जखमी झाला आहे
या अपघाताबाबत अधिक माहिती अशी, की सायंकाळी ६ वाजेच्या सुमारास नाशिक हुन मुंबईकडे एक कंटेनर जात असताना डीवायडर तोडून समोरील बाजूस गेला. मुंबई हुन नाशिक येणाऱ्या रोडवर कंटेनर गेल्याने तेथून येणाऱ्या स्कोडा गाडी व कंटेनरमध्ये अपघात झाला. हा अपघात इतका भीषण होता की, स्कोडा मधील ३ जणांचा जागीच मृत्यू झाला तर २ जण जखमी झाल्याने त्यांना उपचारार्थ नाशिकच्या जिल्हा रुग्णालयात पाठविण्यात आले. मात्र, २ जखमींपैकी सोहिल अकील पठाण (रा. वडाळा पाथर्डी रोड, इंदिरानगर, नाशिक) हा जिल्हा रुग्णालयात आणल्यानंतर मयत झाला. तर दुसऱ्या जखमीची प्रकृती गंभीर असल्याने त्याला खासगी रुग्णालयात दाखल केले.
रिजवान इक्बाल कुरेशी (वय ३२, चौक मंडई), जुबेर इक्बाल शेख (वय ३५, अशोका रोड), हुजेफा (सोनू) अंजूम उस्मानी (वय ३२, नागजी चौक), सोहेल अकील पठाण (वय २२, विनयनगर) यांचा अपघातात मृत्यू झाला असून नबील रऊफ सय्यद (वय २१, नाईकवाडीपुरा) हा गंभीर जखमी झाला. बुधवारी सकाळी नमाज पठनानंतर सर्व तरुण फिरण्यासाठी त्र्यंबकेश्वरला गेले होते.
