भुसावळहुन जळगावला जात असताना दुचाकी घसरून एक ठार, मुलगी जखमी
मंडे टू मंडे वृत्तसंकलंन।
मंडे टू मंडे वृत्तसेवा: भुसावळहून जळगावला दुचाकीने जात असताना खेडीजवळ दुचाकी घसरून दुचाकी चालकाचा मृत्यू झाला तर त्यांची मुलगी जखमी झाल्याची घटना आज सकाळी घडली आहे.
भुसावळ येथील रहिवासी प्रकाश शाम जोशी (वय ४६) हे मुलगी आदिती (वय-१८) हिच्या सोबत दुचाकीने जळगावी भाच्याकडे येत होते. तर, त्यांची पत्नी आणि दोन मुली या रेल्वेनेच जळगावकडे येण्यासाठी निघाल्या होत्या. सकाळी साडेनऊ वाजेच्या सुमारास प्रकाश जोशी हे खेडीजवळ आले असतांना त्यांची गाडी अचानक स्लीप झाली. यामुळे ते आपल्या मुलीसह महामार्गावर कोसळले. यात त्यांच्या डोक्याला जबर मार लागल्याने त्यांचा मृत्यू झाला. तर त्यांची मुलगी आदिती ही जखमी झाली असून तिला उपचारार्थ रूग्णालयात दाखल करण्यात आले आहे. याप्रकरणी एमआयडीसी पोलीस स्थानकात नोंद करण्याचे काम सुरू होते.
